Дэлгэрэнгүй
Татаж авах Docx
Дэлгэрэнгүй уншаарай
Би нэлээд удаан хугацаанд гарч ирж үг хэлээгүй болохоор та нар надаас үг сонсохыг хүссээр байлаа. Өнөөдрийг хүртэл Бурхан намайг та нарт дахин үг хэлүүлэхийг хүсээгүй юм. Хэрэв үг хэлбэл сэтгэл минь маш их шархалсан, түүнийг анагаах ямар ч аргагүй байгаа тул төдийлөн тодорхой ярьж чадахгүй гэдгээ мэдэж байлаа ч та нар минь хүсэмжилсээр байсан тул ийнхүү ярьж байна. Та бүхэн миний Бурханы шавь нар бөгөөд би чадах бүхнээрээ хариулж байх болно гэж амласан амлалтаа биелүүлж байна. Анх ном тайлж эхлэхдээ л би та бүхний сайн, муу, шүүмжилсэн, магтсан гээд олон асуултад хариулж ирсэн. Миний хийсэн бүхэн та нарын төлөө юм.Ингээд бид дахин хамтдаа байж, та бүхний хэдийнээ мэддэг зүйлсийг би ахин хэлж байна. Миний авшиг өгсөн та бүхний хүүхдүүд хүртэл үүнийг мэддэг. Тиймээс энэ бол та бүхний хувьд ердөө сануулга юм. Гэхдээ та нар намайг дэлхий ертөнцөд хандаж ярихыг хүссэн тул би ийнхүү ярилаа. Өдөр тутмын зөвлөмжөөр, зарим мэдээгээр, өдөр тутмын сэтгэгдлээр, эсвэл задарч буй нууцаар ярьсаар л байгаа. Хэдийгээр эдгээр зүйлс их зардалтай ч – маш их энергийн зардал, сүнслэг сан хөмрөгийн зардал гардаг ч би ярьдаг. Учир нь би дэлгэснээрээ үйлийн үрийн төлөөсийг нь төлөх ёстой. Бурхан намайг ахин яриулахыг хүсээгүй нэг шалтгаан нь би дэлгэх ёсгүй зүйлсийг дэлгэснээс болсон. Гэхдээ би тэсэхгүй байсан юм. Хэрэв илүү сул дорой байсан бол би ахиад олон зүйл дэлгэж, магадгүй би үүрд хорио тавиулах байлаа. Эсвэл Суприм Мастер Телевизэд юм уу амь насанд минь ямар нэг зүйл болж мэдэх байсан.Яг одоо банкнууд надаас ямар ч юм шалтгаанаар. хэсэг санхүүгийн дээрэм хийгээд байгаа. Энэ мөнгө миний төлөө бус. Надад амьдрахад их мөнгө шаардлагагүй. Би хэрхэн энгийн, зардал багатай амьдрахаа мэднэ. Надад амьдрах том байшин энэ тэр хэрэггүй. Унаад явах тансаг машин хэрэггүй. Харин сохор хуулиас болж дээрэмдүүлсээр байна. Эсвэл зарим шалтгаар. Би та нарт өөр хаана сайхан ашрам барьж өгч болох тухай бодсоор байлаа. Гэхдээ энэ тухай бас Бурханаас асуух ёстой. Би ямар ч мөнгө олсон өөрийнхийгөө гэж боддоггүй, Бурханых учраас би зөвшөөрөл авах ёстой. Хэдийгээр би Гурвал дотор байгаа ч зүгээр л хэсэг нь. Бүхнийг Чадагч Бурхан бол Сайн бүхний, Адис Ивээл бүхний, Зөвшөөрөл болгоны Цаглашгүй Эх Ундарга.Бурхан аль хэдийнээ бидэнд Дэлхий дээр энх тайван, тав тух, энэрэл нигүүлслийг хайрласан. Гэтэл дэлхийд тасралтгүй үргэлжилсэн дайн дажин бидний амьдралд, дэлхийг хүрээлээд нэвтэршгүй, нугаршгүй хана хэрэм босгосон болохоор энх тайван тийм амар тогтохгүй байна. Зарим нэг нь нурж байгаа л даа, мэдээж. Тиймээс л энд тэнд маш их энхийн санаачилга, үйлс дэлхий даяар өрнөж байна. Гэвч дэлхийд хэт их аллагын үйлийн үр хуримтлагдсаны улмаас дахиад дайн дажин дэгдэж, эхлэхэд бэлэн болсоор байна. Надаас Арьяабалын Аргад авшиг хүртсэн хүмүүсээс бусад нь Бурханы Ивээлээс өөрсдийгөө тусгаарлачихсан. Ихэнх хүмүүс Диваажинг хардаггүй, Диваажингаас юу ч сонсдоггүй, ёс суртахууны стандартаа дээшлүүлдэггүй. Их олон хүн доош гулссаар, өөрсдийгөө сүйтгэж, үнэнд эргээд ирэх боломжоо, жинхэнэ Ертөнцөд Бурханы бидэнд бүтээсэн орд харшид очих боломжоо үгүй хийж байна.Бид өөрчлөгдөх ёстой, энэ нь үнэхээр амархан. Өөрийнхөө мах цусны тасархайг болон бусад төрөлтнүүдийг бүү хөнөө. Энэ дэлхий дээр зэрэгцэн амьдарч буй амьтан төрөлтнүүдийг ахин бүү хөнөө. Тэгвэл бүх зүйл дээрдэж, төгс, аз жаргал, баяр баясалтай, яг л Диваажин мэт болно. Би хамаг л нэр төр, чин сэтгэл, шударга сэтгэлээрээ амлая.Шавь нар та бүхэн намайг хүмүүст, удирдагч нарт хэл, тэд сонсоно гэсэн. Би үүнд бараг дөчин жилийн турш найдаж ирлээ. Нэг их зүйл болсонгүй. Шавь нартай болсон ч дэлхийн хүн амтай харьцуулахад тэд үнэхээр цөөн, миний тооцооллоор бол маш бага. Би дэлхийн хүмүүсийг харж хандахыг хүсээгүйдээ биш, тэд ердөө татгалзаж, зүгээр л эсрэг зүг рүү явчихдаг. Тиймээс тэднийг хүчээр буцааж татах боломжгүй. Тэд өөрсдөө л зөв замдаа эргэж орохоор шийдэх ёстой. Тэд өөрсдөө л буцаж эргэх ёстой. Учир нь зүрх сэтгэлийнхээ гүнд тэд үүнийг мэдэж байгаа. Би өмнөөс нь ойлгож өгч чадахгүй, өмнөөс нь шийдвэр гаргаж чадахгүй. Би зөвхөн тэдэнд янз бүрийн арга замаар хэлж л чадна. Бас...Намайг уучлаарай. сүүлийн өдрүүдэд хүйтрээд байгаа учраас би ахиад ханиалгаад байгаа. Гэхдээ зүгээр ээ. Би зүгээр. Удахгүй буцаад зүгээр болно. Санаа зоволтгүй. Санаа зовох хэрэггүй. Би урцныхаа гадна сууж байгаа болохоор ханиалаа. Өнөөдөр салхигүй, сүүлийн хэдэн өдөр шиг тийм хүйтэн биш байгаа гэж бодсон ч надад нөлөөлж байна. Хэрэв хэт хүйтэн байвал амьсгалах үед уушгинд нөлөөлж бие бага зэрэг цочирдоно. Тиймээс би одоо эргээд урцандаа орчихлоо, ахиад ханиахгүй ээ. Тиймээс санааг тань зовоосонд уучлаарай. Хэрэв санаа тань зовж байвал хэрэггүй шүү, за? Бие маань олон талаараа хавьгүй дээрдсэн. Өдөр тутамд жижиг жижиг зүйлс болж байдаг болохоор би бас их гайхсан л даа. Гэхдээ энэ төлөх төлөөс нь.Би дэлхийн хамгийн хүчирхэг удирдагчдаас, шашны бус ертөнцийн үйлийн удирдагчдаас болон шашны удирдагчдаас асууя: Та нар үйлийн үрийг ойлгодоггүй байлаа ч Библийг нүд чихээ аниатай уншиж, нигүүлсэнгүй амьдралын хэсгийг хараагүй мэт, үйлийн үр байдаг гэдгийг мэдэхгүй мэт дүр эсгэвч та өөрөө бусдад ханддаг шиг тэд танд тэгж хандвал ямар санагдах байсан бэ? Өөрийг тань эхийнхээ хэвлийд гэм хоргүй бяцхан ураг байхад, үр хөндөлтийн эмээр таныг хэдэн хэсэг болгон тастах юм уу, мэс багажаар хэсэг хэсгээр нь ухаж гаргавал, эсвэл хороох эм, үр хөндөлтийн эмээс болж тарчлан шаналбал танд ямар байх вэ? Танд ямар санагдах вэ? Айж, өвдөж шаналахгүй гэж үү? Өгүүлэхийн арга алга. Та нар мэдэж байгаа. Өөрийгөө тэр ургийн, нялх хүүхдийн байранд тавиад үзвэл та мэднэ.Photo Caption: “АМЬДРАЛЫГ Эрч хүчтэй, Талархалтай угтахуй”
