Дэлгэрэнгүй
Татаж авах Docx
Дэлгэрэнгүй уншаарай
7-р сарын 28, 29-ний өдөр. Ойролцоогоор тийм. Миний бодлоор энэ бол... За, хамаагүй ээ. Энх тайвны Хаантай ярилцсанаас хойш алс холын Хаадтай уулзалт товлоогүй уджээ. Тиймээс хэд хоногийн өмнө яагаад надтай шинэ уулзалт товлоогүйг би асуусан юм. БУРХАН надад “Танд хэт их ачаалал болно. Орхи...” гэж айлдсан. Өнөөдөр дахин асуухад минь БУРХАН надад өөрөө шийд гэлээ. Би “Дөрөв хоног, гурав, дөрөв хоногийн дараа байвал ямар вэ?” гэж асуув. ТЭРЭЭР “За.” гэсэн. Тэгээд би Энх Тайвны Хаанаас “Яагаад одоо биш гэж? Өнөөдөр миний бие тийм ч муу биш байна. Би сайн байна. Их ажилтай, тун завгүй, дээр нь нэмэлт ажил гарсан. Нэмэлт ажил гэнэт л гарч ирдэг. Гэхдээ би зүгээр ээ. Бид уулзаж чадна.” гэж асуусан. Хаад хэд хоногийн дараа ирж болохыг би Түүнээс асуулаа. Энх тайвны Хаан Тэднийг аль хэдийн манай гарагт ирсэн тул хүлээх хоног байхгүй гэж хэлэв. Тэгэхээр нь би “Одоо уулзаж болохгүй юу?” гэлээ. Тэр “Болохгүй.” гэсэн. Тиймээс одоо би Түүнээс учрыг нь асууж байна. Тэгэхээр дөрөв хоногийн дараа буюу наймдугаар сарын 1-нд алс холоос ирээд удаан хүлээж буй Хаадын нэгтэй ярилцаж чадна гэж найдаж байна. Эрхэм Дээдэс минь, намайг үнэхээр уучлаарай. Үнэхээр их уучлаарай. Та Бүгдийг ирээд намайг хүлээж байсныг үнэхээр мэдсэнгүй. Би Энх тайвны Хаанаас яагаад яг одоо, өнөө орой, Хаадын нэгтэй ярилцаж болохгүйг асуулаа. Тэр “Болохгүй. Учир нь Энх тайвны үйлийн үр уулзалтад саад болж байна.” гэв. БУРХАН минь, үнэхээр урам хугарсан. Гэхдээ яалтай билээ? Дахиад дөрөв хоног хүлээхээс өөр аргагүй нь. Энэ хооронд надтай ярилцсан хэд хэдэн Хааны яриаг бичиж авсан. Гэвч би дэндүү завгүй байсан тул цэгцлэх боломж гарсангүй. Олон зүйлийг зохицуулж, олон жижиг тэмцэл хийх шаардлагатай бололтой. БУРХАН үүнийг харсан учраас л алс холын Хаадтай ярилцахыг хүсэхэд минь “Үгүй, хүлээ. Танд хэт их ачаалал болно.” гэсэн байх. Тийм ээ, би хэт завгүй байсан байх. За, дөрөв дэх өдөр яриагаа эхлүүлээд, цааш үргэлжлүүлж чадна гэж найдъя. Чимээгүйхэн хийх нь дээр тул одоо би юу ч зарламааргүй байна. Эс бөгөөс сөрөг хүч орж ирээд үймүүлэх юм уу саад учруулж магадгүй. За, залбирцгаая. Энэ удаагийн эхний Хаан боломжтой болмогц, мөн Энх тайвны үйлийн үр бидний уулзалт, ярианд дахин саад болж чадахгүй болмогц би Та бүхэнтэй ярилцана аа. ОРОЙН ДЭЭД БУРХАН ТҮҮНИЙ ажлыг хийхэд минь туслаасай гэж залбиръя. ЭЗЭН Тандаа баярлалаа. Өнөөдрийг хүртэл алс холын ямар ч Хаантай ярилцаагүй ч, ялангуяа шөнө дундаас хойш нар мандах хүртэл, заримдаа түүнээс ч удаан хугацаанд хийх ихээхэн нэмэлт ажил байлаа. Холбогдох газруудад энх тайвны яриа өрнөж байх үед би бараг хөдөлгөөнгүй байх ёстой. Би огт хөдөлж болохгүй гэсэн үг биш л дээ. Хөдөлж болох ч тэгж чаддаггүй. Бага зэрэг хөдөлж болох ч БУРХАН хэлэх хүртэл, БУРХАН зөвшөөрөх хүртэл би амарч буй газраасаа гарч, жишээлбэл Суприм Мастер Телевизийн ажлаа хийж болохгүй. Заримдаа би ажилдаа хоцорч, хянан засварласан бичиг цаасны ажлаа илгээхдээ жаахан хоцроодог. Намайг хоцрооход та бүхэн дургүйцэхгүй гэж найдаж байна. Гэхдээ та нарыг хүлээлгэсээр нэвтрүүлэг гарахгүй, материал авахгүй болох хэмжээнд хэзээ ч хүргэдэггүй. Би үргэлж хугацаанд нь амжуулдаг тул надад тэвчээртэй хандаарай. Сүүлийн үед та нарын дотроос олон хүн надад бичвэрүүдээ илгээхдээ хоцрох болсныг бас анзаарсан. Гэхдээ одоо та нар илүү их бясалгах ёстойг би мэднэ. Чадах бүхнээ хий. Чадах чинээгээрээ бясалгаж, чадах бүхнээ хий. Харин бичвэрүүдийн хооронд тийм ч их зай, хугацаа гарахгүй болно гэсэн үг. Тиймээс бид аль аль талдаа шахуу хуваарьтай байна. Гэхдээ чадах бүхнээ хийхээс өөр яах билээ? Өнөө үед би зөвхөн та нарт л найдаж чадна. Дэлхийн хүмүүс веган хооллолт, энэрэнгүй веган амьдралын хэв маягийг улам их хүлээн зөвшөөрч байгаа ч энэ үйлс хараахан бүрэн биелээгүй байна. Тиймээс бид өөрсдөдөө л найдаж, чадах бүхнээ хийх хэрэгтэй. Хэрэв тэд бүгд веган болчихвол үнэхээр гайхалтай, гараг маань гарцаагүй аврагдана. Хүн төрөлхтөн ч гарцаагүй аврагдаж, сайхан оршин тогтноно. Дэлхий диваажин болно. Та нар чадах бүхнээ хийж байгааг би мэднэ. Ажиллах явц магадгүй өмнөх шиг тайван биш болсон ч бид хийх л ёстой. Бид хүн төрөлхтөн болон амьтан-ардыг аврахын тулд чадах бүхнээ хийх ёстой. Тэднийг үхэж байхад зүгээр хараад сууж болохгүй. Энэ бүх энх тайвны ярианаас болж хөдөлгөөнгүй байх үед бие минь өмнөх шигээ тэнхээтэй, эрч хүчтэй байхаа больдог. Амрах газраа зүүн, баруун тийш эргэж, хөдөлж болох ч тэндээс гарч чаддаггүй гэсэн үг. Тэндээ байж, сууж байх л хэрэгтэй. Гэхдээ үүнийг дуусгасан цагт би зүгээр болдог. Тэндээс гараад дахин зүгээр, хэвийн болдог. Дэлхийн төлөө хамтран ажиллахдаа ойлголцож байхын тулд л би та нарт болсон явдлыг тайлагнаж байна. Гэхдээ та нарын санааг зовоохыг хүсэхгүй байна. Сүүлийн үед би өмнө нь хэлээгүй олон зүйлээ та нарт ярьж байгаа. Юу хийж байгааг минь та нар ерөнхийд нь мэдэг гэсэндээ үүнийг тайландаа оруулж байгаа юм шүү. Хориглоогүй л бол би хэлж болох бүхнээ та нарт хэлдэг. Гэхдээ санаа зовох хэрэггүй. Жишээлбэл: Өчигдөр энх тайвны ярианы бүсээс гарсны дараа би маш сайхан, хэвийн байлаа. Тэгээд би өөртөө “Энэ насан дээр” буюу өөрийнхөө насан дээр, “Та тун сайн байна.” гэж хэлсэн. Би өмнөх шигээ хэвийн, залуу хүн мэт санагддаг. Жишээлбэл: Одоогийн байдал болон 30 настай үеийнхээ хооронд ялгаа мэдэрдэггүй. Тиймээс санаа зовох хэрэггүй. Та бүхэн ч бас сайн байгаа гэж найдаж байна. Сайн хооллож, сайтар амарч, чадах бүхнээ хийгээрэй. Би та бүхэнд маш их хайртай. Энэ бол ердөө товч мэдээ, товч тайлан. Өөр зүйл гарвал та нарт мэдэгдэнэ ээ. Хайр, хайр, хайр, хайр, хайр. БУРХАН ивээг, БУРХАН ивээг, БУРХАН ивээг. Хэдийгээр та нар буяны төлөө ажилладаггүй ч ихээхэн буян хураах болтугай. Гэхдээ буян хүсэхгүй болохоор, шан харамж хүсээгүй болохоор та нар бүрэн хэмжээгээр нь хүртэнэ. Сайн үйлсийн төлөө ажиллахдаа бид тэртээ тэргүй буян, шан харамжийн тухай боддоггүй. Гэвч хэдий чинээ нөхцөл болзолгүй байна, төдий их буян хураадаг. Үүнийг хамаатан садан, найз нөхөд, хайртай хүмүүсийнхээ төлөө зориулж болно. Хэнтэй хуваалцаж болохыг БУРХАН мэднэ. Бидний илүү гарсан буяныг хэрхэхээ БУРХАН мэднэ. Та нар маш ихийг золиосолдог тул би та нарт хэмжээлшгүй их хайртай, бас гүнээ хүндэлдэг. Та бүхэнд дахин баярлалаа. Дараа дахин ярилцъя. Та нарт хайртай. Энэ үйл хэрэгт надтай хамт ажиллах үед тань БУРХАН Хайраа мэдрүүлж, амар амгалан, сайн сайхан байлгах болтугай. Баярлалаа, хонгорууд минь. Энх тайвны яриа надад ямар хамаатай юм бол гэж та нар гайхсан байх. Би энхийн хэлэлцээний ширээний ард очоод суудаг юм биш. Энэ бол энх тайвны яриа хэлэлцээнд гаднаас нь биет ертөнц дээр нөлөөлөхийн тулд хэсэг бүрээр нь миний эвлүүлэн холбох гэж хичээж буй дотоод яриа, дотоод хэлэлцээ юм. Гэвч амьтан-хүмүүсийн дүрээр оршдог сая сая амьд оршихуйг өдөр бүр хөнөөдөг учраас бид мэдээж олон саадтай тулгардаг. Үүнийг няцаан мэтгэлцэх надад маш хэцүү. Энэ бүхэнд зөвшөөрөгдсөн хэмжээгээрээ эрч хүч зарцуулах ёстой тул бие махбодод ч нөлөөлдөг. Шалтгаан үр дагаврын хуулиас болж, хүн төрөлхтөн болон Ертөнцийн Ач Тусын Хуулийг зөрчсөн тэдний үйлдлээс өөр юу ч надад хориг тавьж чадахгүй. Энэ нь өмгөөлөгч хүн үйлчлүүлэгчдээ эрүүгийн хэрэг дээр өмгөөлөхтэй адил. Тэд улсын хуулийн үүднээс ямар ч сайн зүйл хийгээгүй, харин ч хуулийг зөрчсөн, улсын хуулийн эсрэг дэндүү олон гэмт үйлдэл хийсэн байвал тэр улсын шилдэг өмгөөлөгч ч нотлох баримтыг няцаахад туйлын хэцүү байх болно. Би хичээсээр байна. Энхийн үйл явц яагаад ийм удаан байгааг ойлгуулахын тулд үүний заримыг та нарт хэллээ. Та нар чадах бүхнээ хийж байгаа. Би ч чадах бүхнээ хийж байна. Бидний мэдэх зүйл ердөө энэ. Надтай хамтран ажиллаж байгаад тань баярлалаа. БУРХАН та нарыг асар ихээр ивээх болтугай. Амен. Миний дуу хоолой хүссэн хэмжээнд минь баяр хөөртэй, тод биш байгаа ч санаа зоволтгүй, би үнэхээр зүгээр. Бүх нарийн ширийн зүйлийг санаж байгаа дээрээ хурдан хэлэхгүй бол удвал мартчихаж магадгүй. Би та нартай ярих үед... бие махбод маань самади мэт байдалд одоо ч байсаар байна. Гэхдээ дараа зүгээр болчихно оо. Хожим би дотоодын самади маягийн байдлаасаа бүрэн гарч, өдрийн цагаар ердийн ажлаа хийж эхлэхэд зүгээр болчихно. Тиймээс санаа бүү зов. Би үнэхээр сайн байгаа. БУРХАНЫ Хайр, бидний МАПАГИЙН тэвэрт та бүхэн сайн сайхан, эрүүл энх, аз жаргалтай байхыг хүсье. Амен. Photo Caption: “Хэн Гэрэлд Ер нь Саад Болж Чадах вэ!”
