Дэлгэрэнгүй
Татаж авах Docx
Дэлгэрэнгүй уншаарай
Орчин үед бид амьдралаа илүү аз жаргалтай, тухтай, илүү хялбар болгоход ашиглаж болох асар өндөр технологийн төхөөрөмжүүдтэй болсон. Гэтэл бид энэ бүх оюун ухаан, энэ бүх эрх мэдэл, энэ бүх давуу талаа аллага үйлдэхэд ашигладаг. Өдөр бүр дайн болж байна. Нялхсын хувьд, ургуудын, амьтан төрөлтнүүд, бүр зэрлэг амьтдын хувьд хүртэл өдөр бүр дайн болж байна. Хэдийгээр тэд ширэнгэн ой, ой мод, далайн гүнд амьдардаг ч тэднийг агнасаар, алж идсээр байна. Өдрийн амьдралд тань ганц минут гарвал энэ тухай бодож үзээрэй. Тэдэнд ямар байдгийг бод. Үнэхээр хангалттай адис буян болох жимс, ногоо, амтлах мэдрэмжийг хангах ногооны уураг хүртэл байж, Бурханаас хайрласан биеийг маань хүчирхэгжүүлсээр байхад ийм юм хийж байх ямар албатай юм гэдгээ бодоод үз.Гэтэл Бурхан танд дахиад нэг хүүхэд өгөхөд хороочихдог. “Намайг бүү алаач.” гэж гэж хэлэхээс нь ч өмнө, бүр ярихаас нь өмнө, царайг тань харахаас өмнө амьдрах боломж олгож, хүний заяа хайрлаж, энэ бүх сайн сайхан, аз жаргалыг та бүхэнтэй хамт мэдрэх боломж олгосны төлөө та нарт талархахаас нь өмнө хороочихдог!Яаж ингэж чадна вэ? Дайнтай, эсвэл хөгжлийн түвшин тийм ч өндөр биш улс орны зарим иргэд аливаа зүйлийн талаар сайн мэддэггүй байж болох юм. Хэн ч тэдэнд ёс суртахууны талаар, өмнөх төрлийн талаар зааж сургаагүй ч өнөөдөр XXI зуунд хэрэгтэй бүх мэдээлэл тань интернэтэд байна. Хүүхдийг үрчлүүлж болно шүү дээ. Хэчнээн хүн, хэчнээн хос Бурханы бэлгийг баяртайгаар хүлээн авч, түүнийг хайрлан, өсөж том болтол нь халамжилж, Бурханаас заяасан амьдралд нь жаргалтай байлгах бол.
Тэр хөөрхөн юм аа. (Тийм ээ.) Сайн уу гэж хэлж чадах уу? (Сайн уу?) Сайн уу? Ойртоорой, ээж ээ. Та ирээд түүнийг үнсэж болно. Түүнийг түр тэврэхийг тань зөвшөөрье. Тэгээд буцаагаад гэрэлд тавих ёстой. Гэхдээ яг одоо энэ бол нэлээд чухал мөч.Тэднийг хар даа. Сайн уу гэрийнхэн? Бурхан минь. За, одоо би уйлах нь. Уйлчихлаа. Харамсах хэрэггүй ээ. Хар даа. Тэр тантай тухтай байна.Тийм ээ. Тэр “Энэ бол миний ээж.” гэсэн шиг л байна. (Сайн уу, үр минь?) Түүний өглөө амаргүй байсан, тэр анх удаа ийм тайван байна.Жаахан үнсэх үү? (Би болох юм уу?) Мэдээж. Тэр таных. Таных байх болно. Тэр таных. Аав нь яах вэ? (Би цочирдчихлоо.) Духан дээр нь зөөлөн үнсээрэй.
Төрөл бүрийн шинэ бүтээл, өндөр технологийн ачаар дэлхий хэрхэн улам хөгжиж, улам тухтай болж буйг харж болно. Гэтэл том жижиг гэлтгүй аливаа эрх мэдэлтэй хүмүүс бүгд тэр болгон үүнийг сайн сайхан зүйлд ашиглаж, үүнд талархахыг хичээх ч үгүй байна. Үүний оронд тэд эрх мэдлээрээ дайн дэгдээж, зовлон зүдүүр учруулж, там шиг орчныг бүрдүүлж байна. Тэдний хүрээллийнхэн юу ч хийдэггүй, ямар нэгэн зүйл хийхийг оролдсон ч эрх мэдлийн өмнө тэр нь ямар ч нэмэргүй байдаг. Учир нь тэдний мэдэлд бүх мөнгө, хөрөнгө нь бий. Тэдний харгис хэрцгий санаархлын төлөө амиа өгөх залуухан, сайхан үзэсгэлэнт хүмүүс бүгд тэдний мэдэлд байна. Учир нь нийгмийн тогтолцоо нь юу ч болсон зөвхөн дуулгавартай байх зарчим дээр тогтдог. Энэ бол туйлын харамсалтай зүйл.Гэвч нөгөө талдаа өнөө үед интернэтийн ачаар хүмүүс мэдээлэлтэй болж, бясалгал хийж, сайн үйлс бүтээх нь олширчээ. Тэд юу хийх, хаана сурах, хэнд туслахаа мэддэг болсон. Гэвч хаа сайгүй хуурамч багш нар олширчээ. Бүр манай бясалгалын бүлгэмд орж ирээд дотоод Бурханы Зөвшөөрөл Хүчгүй атлаа заавар зөвлөгөөг минь хулгайлан, өөрийгөө Бурхан багшаас ч дээгүүр гэгээрсэн их багш хэмээн тунхаглах хүмүүс ч байна. Тэд олон нийттэй харилцах арга техник, интернэтийг ашиглан өөрсдийн доогуур, хорт муу санааг нуун дарагдуулдаг. Ингэснээрээ тэд хүүхэд хүчирхийлж, дагагчдаасаа, ялангуяа интернэтээр мэдээлэл нягтлахдаа тааруу өндөр настан зэрэг гэнэн хүмүүсийн мөнгийг залилан авдаг байна. Энэ хүмүүс бүхий л амьдралаа гэр бүлийнхээ төлөө зориулж гэр бүл нь ч сайн ханддаг тул бусдыг өөрсөд шигээ сайн гэж итгэдэг. Тэгээд ч эдгээр хүмүүс яаж ярьж, харилцахаа мэддэг. Харин зальтай этгээдүүд хүмүүсийг интернэтээр хэрхэн аргалж мэхлэхээ сайн мэддэг бөгөөд дуу хоолойгоо өөрчлөн, өөрсдийн нэр, мэдээллээ хуурамчаар зохион, гэмгүй хүмүүсийн мөнгийг тонож байна. Эдгээр хөөрхий хүмүүсийг бодохоор цээжинд багтамгүй их харамсал төрөх юм.Бидний хийж буй бясалгал харин үнэхээр тус болдог. Үүний ачаар энхийн хэлэлцээрүүд ар араасаа байгуулагдаж байна. Гэвч нэг газар энх тайван тогтоход, өөр нэг газар энх тайвны хэрэгцээ мөөг шиг дахин урган гарч ирдэг. Хэрэв хүмүүс өөрсдийгөө өөрчлөхгүй, буруу замаар явсаар байвал очихыг хүссэн зөв газраа хэзээ ч хүрэхгүй. Хэрэв хүмүүс энэ дэлхийн алан хядлагатай тогтолцооны нэг хэсэг байж, үүнийг татвараараа тэжээсээр байвал, мөн төр засаг нь юу ч хэлэхгүй, удирдагчид нь зөв шударга замыг зааж өгөхгүй л бол бид дайтсаар эцэст нь бүх зүйл сөнөж, энэ дэлхийгээс юу ч үлдэхгүй болно! Тэр өдөр бидний бодсоноос хавьгүй түргэн ирж мэднэ. Олон газар аль хэдийн сүйрч, дахин сэргээгдэх боломжгүй болсон, цаашид ч анхааруулгагүйгээр улам олноороо сүйрнэ! Ээ, БУРХАН МИНЬ, БИДЭНД ТУСЛААЧ ДЭЭ!Бид өнөөдөр хэвлий дэх үрстэйгээ өдөр бүр дайтсаар байна. Эцэг эхчүүд өөрсдийнхөө мах цусны тасархай болох хэвлий дэх нялх үрстэйгээ дайтаж, бид бүгд хаа сайгүй амьтан-хүмүүс гэх мэт гэм зэмгүй бүхнийг хөнөөж байна. Ингэсээр нэг л өдөр энэ ертөнцөд цэвэр ариун, гэм зэмгүй нэг ч төрөлтөн үлдэхгүй, зөвхөн хорон муу, бузар булай, урвагч этгээдүүд л үлдэх болно. Зөвхөн харанхуй энерги бүх дэлхийг нөмрөн үлдэнэ! Тиймээс бид хүссэн шигээ амар амгалан, хөгжил цэцэглэлт, эв найрамдал, аюулгүй байдалд хэзээ ч хүрэхгүй. Тэр өдөр бүхий л Тэнгэрлэг хамгаалагчид дэлхийгээс тусламжийн гараа татна. Учир нь мөчлөг тодорхойгүй хугацаанд төгсөнө. Сайн сүнснүүд өөр өөр Диваажинд дэвшин очно, харин нүгэлтнүүд янз бүрийн тамд унаж, тарчлал болон туйлын их зовлон, аймшиг дунд гэсгээл үүрд хүлээнэ… Хэн ч мултрахгүй! Хэтэрхий оройтно, хэтэрхий оройтно!!! Үүнийг бодох төдийд л үнэхээр тэсэхийн аргагүй шаналалтай...Бид чадах бүхнээ хийсээр байгаа ч энэ дэлхийн энх тайван, энэрэл нигүүлслийн төлөө хангалттай зүйл хийж чадаагүй гэж өөрсдийгөө бүү зэмлээрэй. Энэ бүхэн зөвхөн та нарын буруу биш. Миний Бурханы шавь та нарыг маш их хичээж байгааг би мэднэ. Заримдаа би үүнийг ерөнхий өнгө аясаар хэлэх хэрэгтэй болдог ч та нар өөрсдөө гэгээрлийн замд орсон авшигтан хүмүүс тул юу хийхээ хэдийн мэддэг болсон. Би авшиг, гэгээрлийн адис Бурханаас хүртээгүй эгэл хүмүүст зориулж юм хэлэхээс өөр аргагүй. Тэд мэдэхгүй хэвээрээ байгаа. Тиймээс би үүнийг ерөнхий байдлаар хэлэх хэрэгтэй болдог. Би хүүхдүүдэд зөвлөгөө өгсөн ч энэ нь дэлхийн бүх хүүхдэд зориулагдсан байдаг.Харин та нар өөрсдийн авшигтан хүүхдүүддээ нэмэлтээр зааж сургах хэрэгтэй. Тэднийг бие даан уншиж чаддаг болтол нь миний сургаалыг уншиж өгөөрэй. Миний тайлбарласан бүхнийг тэдэнд тайлбарлан таниулаарай. Мөн миний та нарт тайлбарласанчлан найз нөхөд, хөршүүддээ тайлбарлан таниулаарай. Тэдэнд чадах бүхнээрээ туслаарай. Буруу замаар явсаар байвал тамд унаж, түр биш, харин дахин эхлэлийн цэгт ирж, амьдралын хүрд эхлүүлэх боломж хүртэл олон галав өнгөрөх аюултай. Тэгээд энэ нь тэдний хувьд асар их, эцэс төгсгөлгүй үргэлжлэх зовлон байх болно. Тиймээс л бид ийм шаргуу ажиллаж байна. Би тэднийг аврагдаж, ийм тасралтгүй тамын нөхцөл байдлаас зайлсхийж, мултраасай гэж хүсдэг учраас л ийм шаргуу зүтгэдэг юм. Тэднийг бодохоор зүрх минь хэзээ ч эдгэршгүйгээр өвдөж байна. Хэрэв тэдний хэн нэг нь л зовж байвал би ч бас адилхан зовдог. Хэрэв Бурханы хүүхдүүдийн хэн нэг нь буруу замаар орж, тамд унавал Бурхан ч бас адилхан зовж шаналдаг.Бид ажлаа хийсээр байх ёстой. Хэдийгээр би та нарыг авах ёстой амралт, жаргаж цэнгэх цагаа эдлээсэй гэж зүрх сэтгэлдээ хүсдэг ч бид зүтгэсээр байх хэрэгтэй. Энэ зовлонт ертөнц байгаагүй сэн бол та нар өөрсдийн дотоод дахь Диваажин, гэр бүл болон авшигтан садантайгаа жаргаж амьдрах байлаа. Та нар үүнийг мэднэ. Гэм зэмгүй, сул дорой амьтан-хүмүүс болон нялх үрст туслахын тулд өөрсдийн зарим жаргал, амар амгалан цагийг золиосолж буй та бүхэндээ, та нарт бүгдэд нь баярлалаа. Та нартаа үүрд талархаж байна Та нартаа маш их хайртай шүү. Та нартаа бүгдэд нь үүрд хайртай. Миний засаж илгээсэн нэвтрүүлгүүдийг гаргахын тулд амрах ёстой цагтаа нойроо хугаслан сэрдэг Суприм Мастер Телевизийн багийн гишүүддээ би хайртай. Тэд заавал ингэж ажиллах албагүй. Тэд санаа зовох зүйлгүй. Баттай хамгаалагдсан. Тэдний сүнс хэдийн гэтэлсэн. Харин тэд цаг, нойр, хоолоо олонтоо золиослох хэрэгтэй болдог. Бид олон улсын баг учраас тэд хоолны дундуур, эсвэл нойрон дундуураа ч босож ажилладаг. Цагийн бүс нь тэдний улсын ажлын цагтай таардаггүй болохоор тэр л дээ. Тэдэндээ би үүрд маш их талархдаг. Чадах бүх Адисаа харамгүй хайрладаг.Өдөр бүр бичиж, засварлах байдлаар холбогдож буй хүмүүстээ чадах чинээгээрээ талархдаг. “Баярлалаа” гэх үг хэзээ ч хангалттай биш ч надад маш ихээр бичих цаг байхгүй тул миний хийж чадах зүйл ердөө л энэ. Нэвтрүүлгүүдийг засаж, нэмж хасах, зураг авах зэрэг ажил ихтэйн дээр өдөр бүр үйлийн үрийг үүрч, эм тангаар өөрийгөө асрах шаардлагатай байгаа тул надад бичих цаг тун хомс байна. Бүх зүйл маш их цаг авдаг, бүр санаж чадаж байвал тэр шүү дээ. Заримдаа сэрүүлэг тавьдаг ч сонсолгүй, өөр зүйл хийж яваад мартчихдаг. Би урцандаа дандаа байдаггүй. Гадагш гарах, хоол хийх, интернэт ажиллаж буйг шалгах зэрэг олон жижиг зүйлд цаг зардаг. Заримдаа интернэт нь ажиллахгүй. Олон жижиг, жижиг зүйлс цаг хугацаа шаарддаг. Энэ дэлхийд бүх зүйл цаг хугацаа, орон зайд л захирагддаг юм шүү дээ.Амьдрал минь зүгээр, хэвээр байгаад би талархсаар байна. Та бүхэнтэйгээ ханьсаж, эцсийг нь хүртэл хамт алхахаар энд байсаар байгаадаа, мөн дэлхий ертөнцөд янз бүрийн аргаар тусалсаар байгаадаа талархаж байна. Хүмүүсийг Бурханд эргүүлэн авчрах өөр өөр аргууд надад байгаа ч би та нарт хэлж болохгүй. Хэлж чадахгүй. Ялангуяа үр дүнгээ өгч байгаа бол бүр ч хэлж болохгүйг та нар мэднэ дээ. Юутай ч бид ажлаа үргэлжлүүлэн хийх ёстойг хэлье. Суприм Мастер Телевизээр дамжуулан, эсвэл буяны ажил болон бусад зүйлээр ч бай, бусдад туслахад зориулсан хором бүрд тань, бусдын аз жаргал болон тэднийг Бурханы Ивээлээр дэвшүүлэхийн төлөө өөрийгөө огоорон зориулсан секунд бүрд тань талархъя. Эдгээр зүйл хүмүүсийг Бурханд буцаж очиход туслахаас гадна та нар буян хурааснаар Бурханы ХАЙР оршихуйд тань урсан нэвтэрч, та нарыг, бас бусдыг та нараар дамжуулан адисална. Би та нараар маш их бахархаж, хайрладаг. Та нарыг хэзээ ч орхихгүй. Дэлхий ертөнц мөхсөний дараа ч би та нарыг огт орхихгүй. Үүрд хамт байх хамгийн сайн найз та нарт бий. Та нар ч бас чадах чинээгээрээ хичээн, дэлхий ертөнцөд гэрэлтсэн сайн үлгэр жишээ болж, чадах хэндээ ч өөрийгөө умартан туслаарай. Миний Хайр үргэлж та нартай хамт, миний талархал ч мөн үүрд та нартай хамт байх болно. Тоолж баршгүй олон сүнс болон энэ гарагийг аврах энэхүү агуу ажлыг хийхэд минь туслуулахаар та нарыг надад илгээсэн Бурхандаа би талархаж байна. Юу ч тохиолдсон би үргэлж та нартай хамт байх болно. Хайрт та нар минь, ойлгов уу? Би та нартаа маш их хайртай. Бурхан та нарыг минь адисалж, мөн та нараар дамжуулан дэлхий ертөнцийг ч бас адислах болтугай. Эзэн Бурхан минь, Тандаа талархъя.Photo Caption: “Диваажингийн Адистай, Ээлтэй Айлчлалыг Анхааран Хараарай”
