Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 2026 оны 8-р сарын 8. Би бясалгалын майхандаа байсаар л байна. Тэгтэл Гурвал надад “Энх Тайвны Хаантай ярилцана уу?” гэж хэлэв. Би нэг их зүйл хүлээлгүй “Тэгэлгүй яах вэ, Эрхэмсэг Дээд Энх Тайвны Хаантан, би өнөөдөр Танд юу хийж өгөх вэ?” гэлээ. Тэгээд Энх Тайвны Хаан надад “Та Нөхөрлөлийн Хаантай ярилцана уу?” гэж хэлсэн. “Хөөх!” Зүрх минь баяр хөөрөөр бялхлаа. Би “Тэгэлгүй яах вэ. Тэгье, тэгье. Одоо уулзалтыг зохицуулж өгнө үү. Яг одоо зохицуулж өгнө үү.” гэв. Ингээд Нөхөрлөлийн Хаан хүрэлцэн ирлээ. Эрхэмсэг Дээд Тантай мэндчилье. Нөхөрлөлийн Хаан ч мөн “Хаадын Хаадын Хаадын Хаан Тантай мэндчилье.” гэв. Эрхэм ээ, зүрх сэтгэл минь Тантай уулзахыг хүсэж байсан ч өмнө нь ярилцаж чадаагүйдээ үнэхээр их харамсаж байна. Манай гарагт хүрэлцэн ирсэнд Танд маш их баярлалаа. Та манай энэ ертөнцөд бие махбодоороо оршин байгаа юу? “Үгүй, үгүй. Бид маш их, маш их холоос ирсэн.” Эндээс хэр хол вэ, Эрхэм ээ? Эндээс 5,003,006,000,462 гэрлийн жилийн зайтай. Өө, хөөх! Бурхан минь! Манай гаргийн хэн ч тэр зайг төсөөлж чадахгүй байх. Энд хүрэлцэн ирэхэд Танд их удаан хугацаа орсон байх даа, Эрхэм ээ? “Өө, тийм шүү. Гэхдээ бидэнд орон зай, цаг хугацаа нэг их мэдрэгддэггүй. Бид маш сайн тээврийн хэрэгсэлтэй тул яг л гэртээ байгаа мэт байдаг. Танай ертөнцөд үүнийг ‘тээврийн хэрэгсэл’ гэж нэрлэдэг. Тиймээс бид маш тухтай байдаг.” Хөөх! Ямар гайхамшгийн орон, ямар сайхан мөрөөдөл вэ. Үнэт цагаа гарган бидэнтэй уулзаж, манай эгэлхэн ертөнцийн хамаг төрөлтнийг болон Дэлхийг маань адисалсанд Танд баярлалаа, Эрхэм ээ. БУРХАН Таныг болон Танай ард түмнийг ӨӨРИЙН хайр, адист Нигүүлслээр мөнхөд ивээх болтугай. Амен, Эрхэм ээ. Тийм ээ, өчнөөн их үнэт цагаа зарцуулан энд ирсэнд баярлалаа. Таны ард түмэн буюу шавь, дагалдагч нар, иргэдээс тань сүнслэг өндөр түвшинд хүрсэн зарим нь Таныг дагалдан иржээ. Энд хүрэлцэн ирсэн Та бүхэнд ч бас баярлалаа. Танай гарагт, сүнслэг алдар сууны оронд тань нийт хэдэн хүн байдаг вэ? Бидэнд хэлж өгнө үү? “Өө, тэгэлгүй яах вэ. Манай ертөнц Танайх шиг олон хүн амтай биш. Манай ертөнцөд нийтдээ 8,420,552 оршин суугч бий. Тэд цөм Танд болон Танай хүмүүс, хамаг төрөлтөн, Танай гараг дээрх бүх төрөл зүйлд мэндчилгээ дэвшүүлж, хайрын ерөөлөө илгээж байна.” Өө, баярлалаа, баярлалаа, Эрхэм ээ, маш их баярлалаа. Таны бүх иргэн БУРХАНЫ Нигүүлсэлд мөнхөд адислагдах болтугай. Амен. Бид ч мөн Танай ард түмэнд хязгааргүй сайн сайхны ерөөл өргөе. Таныг энд хүлээн авах ийм хүндэт завшаан бидэнд хэрхэн тохиосныг хэлж өгнө үү? Мэдээж бид Таныг хүлээн авч буйдаа туйлын баяртай байна. Гэвч манай ертөнц одоогоор ер нь жаахан үймээн самуунтай байна. Та мэдэж байгаа. Бид үүнийг ярих хэрэггүй биз. Энэ нь уулзалтад маань баяр хөөр нэмэхгүй. Та манай ертөнцөд хэр удаан саатах вэ, Эрхэм ээ? “Дахиад арав орчим хоног.” Гайхалтай, БУРХАН минь, үнэхээр гайхамшигтай. Эгэлхэн гараг дээрээ Таныг хүлээн авч байгаа нь бидэнд асар их аз завшаан, нэр төрийн хэрэг билээ. “Зүгээр дээ, зүгээр, Талархах явдалгүй. Бид ирсэндээ таатай байна.” Өө, Эрхэм ээ, Таныг ийм удаан хүлээлгэсэнд үнэхээр уучлаарай. “Зүгээр ээ, санаа зоволтгүй, санаа бүү зов. Манайд Танай гараг дээрх шиг цаг хугацааны тухай ойлголт байдаггүй. Өдөр бүхэн ердөө л өнөөдөр. Мөн орон зай гэдэг ойлголт ч байдаггүй. Тиймээс Танай ертөнцөд байхдаа бид нэгэн зэрэг өөрсдийн ертөнцөд ч байдаг. Бид орон зай, цаг хугацаа өнгөрөхийг мэдрэхгүйн тулд хоёр ертөнцийн хооронд тодорхой зохицуулалт хийдэг. Санаа бүү зов. Хэдий тийм ч бид бас Танай гаргийг тойрон нисэж, Танай дэлхийг ой санамждаа хадгалж чадна. Ингэснээр хоёр ертөнц нэгдсэн энэ түвшинд хараахан хүрээгүй иргэд маань ч бидний харж буйг бас харах боломжтой. Манай ард түмний ихэнх нь Танай ертөнц ямар байдгийг өөрсдийн ертөнцөөс харж чаддаг. Гэвч зарим нь хараахан харж чадахгүй тул танай хэлээр “виртуал танилцуулга” гэдэг зүйлийг хийж, манай ард түмэнд Таныг болон Танай ертөнцийг харуулдаг.” Хөөх, хөөх, хөөх! Манай ертөнцийн хүмүүс ч Танай ертөнцийн хүмүүс шиг ийм чадвартай болоосой. Тэгвэл үнэхээр гайхамшигтай. Энэ нь тэдний хувьд агуу гайхамшиг болно. Одоо би илүү... Таныг тэрхүү тээврийн хэрэгсэл гэгддэг зүйлдээ суугаад хаа нэгтээ намайг хүлээх шаардлага байгаагүйг мэдээд сэтгэл минь сая жаахан амарлаа. Танд маш их баярлалаа. Гэмшсэн мэдрэмжээс чөлөөлсөнд маш их баярлалаа. Танай сүнслэг орныг юу гэж нэрлэдэг вэ? Танай ертөнцийг “Нөхөрлөл” гэдгийг, Таныг Нөхөрлөлийн Ертөнцийн Хаан гэдгийг бид мэднэ. Харин Танай хэлээр “нөхөрлөл”-ийг яаж хэлдэг вэ? Та бүхэн бас өөрийн гэсэн хэлтэй биз дээ? “Өө, тийм, тийм, бид өөрийн хэлтэй. Манай ертөнцөд нөхөрлөлийг... D-E буюу ‘Ди’ гэдэг. Манай ертөнцийг ‘Ди’ буюу ‘Нөхөрлөл’ гэдэг. Манай хэлээр манай ертөнцийг ‘Ди’ гэж нэрлэдэг. Тиймээс манай ертөнц бол ‘Ди Ертөнц’ буюу ‘Нөхөрлөлийн Ертөнц.’” Харин Эрхэмсэг Дээд Таны алдар хэн бэ? “Миний даруухан нэрийг Пю, P-U гэдэг. Энэ нь “найз” гэсэн утгатай. Би бол найз, Таны найз, бүгдийн найз. БУРХАНЫ Нэрийн өмнөөс, БУРХАНЫ Нигүүлсэл дотор, БУРХАНЫ бүх бүтээлийн дунд.” Энэ бүхнийг бидэнд хэлсэнд баярлалаа. Энэ бол бид бүхний хувьд гайхамшигтай шинэ мэдлэг юм. Энэ эгэлхэн ертөнцийнхөө хамаг төрөлтний нэрийн өмнөөс Танд бидэнтэй уулзан, манай ертөнцийг адисалж, баяр баясгалант эрчим, эерэг хүч нэмэн, манай ертөнцийн гай зовлонг зарим талаар багасгахад бидэнд туслахаар дахин хүрэлцэн ирсэнд баярлалаа. Анх хүрэлцэн ирэхэд тань би Тантай уулзахыг хүсэн тэмүүлж байсан ч яагаад тэр даруй уулзаж чадаагүйг Та мэдэж байгаа. Манай ертөнцөд үргэлжилж буй мөргөлдөөнөөс болсон. Таны тэвчээр, хүлээц, адислалд би гүнээ талархаж байна. Дахин баярлалаа, Эрхэм ээ. “Өө, зүгээр дээ, үүнийг дурдах хэрэггүй. Манай Ертөнц болон бусад олон Ертөнцөд бид нэг нэгэн рүүгээ зочлон очиход тун амархан байдаг, яг л зочны өрөө рүүгээ ороод ирж байгаа юм шиг. Гагцхүү одоогийн энэ үймээн самуунтай гараг дээр, энэ цаг үед, Танай дэлхийн цаг хугацаагаар энэ хэдэн өдрийнх шиг ийм боломж олдоход бэрх гэдгийг бид мэднэ.” Баярлалаа, Эрхэм ээ, маш их баярлалаа. Photo Caption: “БУРХАНЫ ХАЙРЫГ Хүлээн Авагч бай”
