Энэхүү нууц дайныг зогсоовол бүх дайн зогсож, дэлхийд өнө удаан үргэлжлэх жинхэнэ энх тайван цогцолно, 9-ын 2-р хэсгийг Багш шавийн

Өдөр бүр хаа сайгүй гамшиг болж байна. Өдөр бүр ямар ч юм сувгаар, ТВ-ийн сувгуудаар, интернэтийн сувгуудаар ч дандаа л гамшиг болсныг, хаа сайгүй урьд хожид байгаагүй гамшгууд болсон тухай гаргаж байна. Хүмүүс амь үрэгдэж, эд хөрөнгө сүйдэж, тариалангийн газар, эсвэл ургац сүйдсээр байна. Хүмүүс улам бүр цөхөрсөөр. Улам олон хүн “хоолондоо цадах” гэж юу гэсэн утгатайг ч мэдэхгүй болжээ. Өнөөдөр юм идлээ ч маргааш хоолтой байх эсэхээ мэдэхгүй. Өглөө юм идлээ ч орой идэх зүйл байх эсэхийг мэдэхгүй. Энэ бүхэн бидний оршин тогтнох үндэс, орчлон ертөнцийн амьдралын суурь болсон ХАЙРЫН мөн чанарыг устгаж буйгаас болж байна. Тэр нь, өөртөө яаж хандуулмаар байна бусдад тэгж хандахыг хэлнэ.

Хүмүүс гудамжинд цасан шуурганаар, хатуу ширүүн уур амьсгал, бороотой улиралд жижигхэн, дэндүү нимгэн майханд унтаж, цас бүхнийг хучдаг. Тэд орон гэргүй. Тэд орон гэргүй төрөөгүй. Өмнө нь орон гэргүй байгаагүй. Ажлаасаа халагдсанаас, эсвэл татварын дарамтаас болж, эсвэл хүнд өвчнөөс болж төлбөрийг нь дийлэхгүй ч амь гарахын эрхээр төлөх ёстой болсноос болж орон гэргүй болсон байж мэднэ. Энэ бүхний эцэст тэд юу ч үгүй үлддэг. Гудамжинд тэд идэх хоолгүй, орох оронгүй, уух усгүй, бие засах өрөөгүй амьдардаг. Хоол олж идэхийн тулд гарч гуйлга гуйн, эсвэл бохир хогийн савнаас хог хаягдал ухаж нэр нүүрээ барахаас өөр аргагүйд хүрдэг! Боломж гарвал тэрхүү жижигхэн майханд чихцэлдэн амьдарна.

Гэтэл бид бусдыг хороохын төлөө өчнөөн их наяд ам.доллар зарцуулсаар. Тэд бидэнтэй яг л адилхан төрхтэй, голдоо хамартай амтай, хоёр нүдтэй хүмүүс. Гэтэл бид хэдэн зуун жил, бүр хэдэн арван жилийн өмнө ч төсөөлөхөөргүй байсан “гайхалтай” зэр зэвсэгт үнэхээр дэндүү их мөнгө зарцуулсаар байна. Амийг илүү оновчтой, найдвартай хөнөөж, хаа сайгүй сөнөөн сүйтгэх гэж, улмаар бусад хүмүүсийг хэдийгээр суманд өртөхгүй ч тог цахилгаангүй болгож, ургацыг нь сүйрүүлсний улмаас хоолгүй, усгүй болгож, өлбөрүүлж, эсвэл хөлдөөж үхүүлэхийн тулд шүү дээ. Бид ер нь хэн бэ гэдгийг би мэдэхээ ч болилоо. “Хүн” гэдэг нэр цаашид бидэнд тохирох уу?

Өнөө үед бид амьтан-хүмүүсээс долоон дор болж. Амьтан-(хүмүүс) бидэнд ямар ч гэм хор хүргэдэггүй. Зүгээр л бидэнд тусалж, биднийг хайрладаг. Хэрэв үхэр(-хүмүүсийг) нохой(-хүмүүсээс) өөр гэж бодож байвал ахиад бод. Миний болон мэдээний багийнхны цуглуулсан зарим нэг бичлэгийг үзвэл харах болно. Үхэр-, ямаа-, хонь-, мөн бусад амьтан-хүмүүс таны тэжээвэр нохой, муур, шувуудаас ямар ч ялгаагүй. Хэрэв үхэр-хүн тантай уулзалгүй удсан бол таныг эргээд ирэхэд толгойгоо биед тань нааж угтан авдаг. Тэр заримдаа өөрийгөө эрсдэлд оруулан байж, таныг бусад амьтдаас, бүр хорт могойноос хамгаалдаг. Ийм болсон явдал олон бий.

Тахиа-хүн хүртэл, бяцхан биеийг нь зажилж залгих эсэхдээ хоромхон ч эргэлзэлгүй, зовлон, мах цусанд нь та нарын баясдаг тахиа-хүн хүртэл та нарыг хязгааргүй хайрлана. Тэд оюун ухаантай. ДНХ-тэй, бараг л хүний ДНХ-тэй адил. Хэдэн туслахтайгаа би нэг удаа тоглоом хийсэн. Учир нь тэд тахиа-хүн яг л хүнийхтэй адил ДНХ-тэй гэхэд нь би тэдэнд “Өө, би бараг л тахиа-хүн шиг ДНХ-тэй нэг хүн мэднэ.” гэж хэлсэн Гэхдээ инээдтэй онигоо биш. Үгүй. Тухайн үед бол инээдтэй байсан л даа, тэд инээлдсэн. Гэхдээ тэдний амьдрал өөрийн тань өршөөлөөс хамаарч байхад, мөн та нар ямар ч өршөөл үзүүлэхгүй байхад инээдэм биш.

Идэх хоол бидэнд хангалттай их байна. Ау Лак (Вьетнам)-т зарим хүмүүс будаа ч иддэггүй, зөвхөн ногоо жимс л иддэг. Усан дээр хөвж, усан дээр бясалгахын тулд тэгж бэлтгэдэг. Би ийм зарим нэг бичлэг түүхүүдийг цуглуулсан ч дэндүү олон байгаа учраас бүгдийг нь харуулах боломжгүй. Тэд заримаас нь олоод та нарт үзүүлнэ гэж найдъя. Нэг хоёр л жишээ байхад болно, цаана нь маш олон бий.

Ms. Tuyết: Намайг Фам Ким Түиэт гэдэг. Би Дай Ань аймгийн Той Ань Хой хэсгийн Ке Сак дүүрэгт амьдардаг.

Đoàn Như Phú: Хатагтай Түиэт, та хэзээ усан дээр хөвөх чадвартайгаа олж мэдсэн бэ?

Ms. Tuyết: Найм есөн жил болж байна. Учир нь тэр үед буюу 2009 оны 10 сарын 10-ны үед би будаа идэхээ больсон. Тэгтэл нэг өдөр нэгэн дуу хоолой чихэнд минь “Гол дээр яваад оч, та усан дээр хөвнө.” гэж хэлсэн. Эхлээд би итгээгүй. Гэвч дараа нь зурагтаар нэгэн аав хүү хоёр хөвж буйг харсан юм. Тэгээд би “За, би туршаад үзье.” гэж бодсон.

Đoàn Như Phú: Бурхан минь, үнэхээр итгэхэд бэрх юм. Тэр усан дээр бүтэн лянхуа байрлалтай хэвтэж чадаж байна. Бүхэлдээ тайван байж урсгал түүнийг аваад явж байна. Тэр ийм байдалтай өглөөнөөс үдээс хойш хүртэл байх боломжтой гэнэ. Гэхдээ урсгал түүнийг эгц эрэг, саад руу хөвүүлэн одох магадлалтай аж. Мөн гэнэт усан онгоц гараад ирвэл аюултай байж болзошгүй. Учир нь хэн нэгэн бясалгаад хэвтэж байхдаа санамсаргүй унтах магадлалтай. Ойлгож байна уу? Усан дээр хэвтэж байхдаа бясалгана. Би анх удаа ийм зүйл харж байна. Анх удаа харж байна уу? Тэр тэнд бясалгаад бүрэн амар амгалан байж, урсгалд өөрийгөө сул тавьсан байна. Түүнд алга ташаарай, хүүхдүүд ээ. Үнэхээр итгэмээргүй юм. Тэр бүр ингэж байхдаа инээмсэглэж чадаж байна. Нөхөд өө, тэр ийм байдалтай бүр таван минут хөвж байна. Тэр хэзээд, хүссэн хугацаагаараа ингээд хөвж чадна гэнэ.

Ms. Tuyết: Хамгийн анх намайг гол руу ороход охин маань “Ээж ээ, надад хэдэн шүлэг бичээд өгөөч.” гэсэн. Тэгэхэд нь би голоос гарч ирээд “Би шүлэг бичих талаар юу мэдэх билээ дээ?” гэв. Харин дараа нь хэсэг бодож байгаад би “Усан дээр хэвтэхэд надад үнэхээр эрх чөлөөтэй, тайван байдаг. Жимс ногоогоор л одоо би хооллодог билээ.” гэсэн. Юу гэх гэсэн бэ гэвэл би үнэхээр зөвхөн жимс ногоо л иддэг.

Зөвхөн ногоо идээд ч хүн амьдраад эрүүл байж, сайхан харагдах боломжтой. Юугаар ч дутахгүй. Жирийн нэг төмс, улаан лооль, эсвэл жижигхэн шошууд эрч хүчтэй сайхан амьдрах хангалттай шим тэжээл өгөх болно.

Би, мөн мэдээний баг өдөр болгон олдсон багахан хугацаандаа чадах бүхнээ олж цуглуулахыг хичээдэг. Учир нь надад хийх зүйл маш их. Би өөрөө Суприм Мастер Телевизийн бүх нэвтрүүлгийг хянаж засах ёстой. Гэрэл зураг дарж, тэдгээрээ засаж, сонгоно. Гэр ахуйн гэх зүйлс, гэрийн ажил, өөртөө хоол хийхээс авхуулаад өөр олон хийх юм байна. Би чадах бүхнээ угаана. Хувцсаа өлгөх, дахин авахад хүртэл хугацаа ордог. Энд автомат угаалгын машин байхгүй болохоор бүх зүйлд хугацаа ордог. Цэвэрлэх маш бага зай талбай байгаад баярлах юм. Бас хувцас минь энгийн, угаахад хялбар. Гэсэн ч бүх зүйлд хугацаа ордог.

Дэлхийн төлөө би илүү зүйл хийж чаддаг ч болоосой. Гэвч үүний төлөө бас би аль чадлаараа олон цагаар бясалгах шаардлагатай. Мөн дотоодоосоо заавар авч, зохицуулах шаардлага байна. Зөвхөн Бурханаас болон Гурвалаас зааварчилгаа аваад зогсохгүй өөр өөр Хаадаас, Диваажингийн өөр өөр Хэлтсээс тайлан хүлээн авдаг. Бас хүмүүсийг адислахын тулд би энергиэ зарцуулах ёстой. Хамгийн түрүүнд шавь нараа. Учир нь тэд бүрэн өндөр түвшинд хүрээгүй байгаа. Тэдний дотоод ахуй ойлголтдоо хардаг бүхэн сүртэй юм биш. Үргэлжлүүлэн дэвшсээр байх хэрэгтэй. Гэхдээ ихэнх нь их сайн өсөж дэвшиж байгаа учраас, бас их чин сэтгэлтэй болохоор би тэднээр бахархаж байна. Ялангуяа сүүлийн үед илүү яаралтай, сүнслэг дадал бясалгалдаа илүү хичээнгүй байгаа учраас их сайн дэвшиж байгаа.

Photo Caption: Бурханы Хайраар, Боломжит Бүх л Аргаар Туслах гэж Цэцэрлэгийн Тань Буланд Даруухан Амьдарна

Зураг татаж авах