Дэлгэрэнгүй
Татаж авах Docx
Дэлгэрэнгүй уншаарай
Сайн байцгаана уу? Дэлхий дээрх бүх сайн хүмүүст, сайхан сэтгэлтнүүдэд, мөн дашрамд нь энд буй Диваажингийн Төрөлтнүүдэд Бурханы Ивээлээр Хайр илгээе. Би үзэгчдэдээ, ялангуяа өөрийнхөө Бурханы шавь нарт хэлэх зүйл байна. Дэлхийн энх тайвны тухайд, веган дэлхийг дурдахгүйгээр зөвхөн энх тайвны тухай ярихад олон хүн Орос улс буюу Оросын эрх баригчидтай хийх энх тайвны хэлэлцээр хойшилж буйд Эрхэм Ерөнхийлөгч Трампыг буруутгах хандлагатай байна. Оросын ард түмэн үүнд ямар ч хамааралгүй. Тэд дайн хүсдэггүй. Дайн тэдэнд огт сайнгүй. Дайн эхэлснээс хойш бизнес болон бусад бүх зүйл нь уналтад орсон. Томоохон компаниуд, том хөрөнгө оруулагчид бүгд Оросоос гарч, өөр улс орны эдийн засгийг өсгөхөөр явсан. Энэ бол Оросын ард түмний хувьд үнэхээр гунигтай зүйл. Тэд дайныг хүсээгүй учраас би оросуудыг маш их өрөвдөж байна. Тэгэхээр Орос улсын хэдэн дээд удирдагч л дайн эхлүүлж, үргэлжлүүлээд байна. Бусад удирдагчид хэчнээн их хичээл зүтгэл гаргаж, Оросын удирдагчдад танилцуулахыг хүслээ ч энх тайван тогтоогүй л байна.Харин та нар Ерөнхийлөгч Трампыг буруутгах учиргүй. Америкийн Нэгдсэн Улсын Ерөнхийлөгч байх хариуцлага бол хийж болох хамгийн хүнд ажил. Өөр бусад ерөнхийлөгч нарт ихээхэн асуудал бэрхшээл байдаг ч Америкийн Нэгдсэн Улсын Ерөнхийлөгчийнхөөс бага. Ерөнхийлөгч болон Түүний багийнхан, ажилтнууд, туслахууд, зөвлөхүүд Украин (Урейн)-аар дамжуулан дэлхийд энх тайван тогтоохын тулд маш их хичээж ирсэн, одоо ч хичээсээр байна. Харин Украин (Урейн)-ы ард түмэн энэ саатал болон Оросоос үүдэлтэй дайны асуудалд ямар ч буруугүй. Тэд хэзээ ч ийм зүйл хүсээгүй. Тэд энх тайван хүмүүс. Өөрсдийнхөө хэрэгт л анхаарч, өөрсдөө газар тариалан эрхлэн ард иргэдээ хооллож, мөн өдөр тутмын тариалангийн ажилдаа шаргуу хөдөлмөрлөсөн үр шимээ дэлхийтэй хуваалцдаг. Тэд хэзээ ч явж хэн нэгнийг буудъя, хорооё гэж боддоггүй. Тиймээс орос хүмүүсийг бүү буруутга, урейн (украин) хүмүүсийг бүү буруутга. Тэдний нэр нь Украин. Би Урейн болгож өөрчилсөн. Илүү дээр сонсогддог. Тэд өөрсдөө улс орноо захирч болно гэж буй мэт. Өөр хэн нэгэн ирээд шалтгаантай, шалтгаангүйгээр ард иргэдийг нь хороож, юмсыг нь хулгайлах шаардлагагүй гэсэн үг.Мэдээж бүр хэн ч Ерөнхийлөгч Трампыг буруутгах учиргүй. Тэр бол миний мэдэх хамгийн үр бүтээлтэй, хөдөлмөрч ерөнхийлөгч. Би олон ерөнхийлөгч мэдэхгүй л дээ. Гэхдээ мэдээнээс бид бүхний уншиж буйгаар бол Тэр хамгийн хичээнгүй ерөнхийлөгч мэт санагддаг. За, магадгүй Тэр хичээнгүй ерөнхийлөгч байх, үнэхээр, үнэхээр хичээнгүй. Ядаж л ард түмнээ гэсэн хамгаас илүү хайр энэрэлтэй, хичээнгүй, хөдөлмөрч ерөнхийлөгч нарын нэг. Тэр чадахаасаа илүүтэй хичээсэн. Дашрамд хэлэхэд би бас Ерөнхийлөгч Трампыг ингэж их хичээж, Америкийн ард түмний төлөө, Урейн (Украин) гэх мэт асуудалд орсон улс орнуудын ард иргэдийн төлөө, Орос улсын ард олны төлөө энэ их хүнд ажлыг үүрч байгаад талархаж байгаагаа илэрхийлье. Энэ хоёр улсын иргэд асар их зовж байна. Ийм байх учиргүй байсан. Огтхон ч ийм байх ёсгүй. Их шулуухан зантай оросын ард түмэнд би хайртай. Тэд өөрсдийнхөө хэрэгт л анхаардаг. За хамаагүй.Үнэндээ ямар ч удирдагчийг буруутгах аргагүй. Би та нарт хэлж байсан даа, энэ бол зүгээр л үйлийн үр. Бид бүгд, энэ дэлхийн иргэд дэлхийнхээ хэрэг явдлыг сайн зохицуулдаггүйд л учир байна. Олон улс орон, тэр дундаа АНУ Украинд буюу Урейнд энх тайвныг тогтоохоор, Орос, Украин (Урейн) гэсэн хоёр улсад энх тайвныг тогтоохоор үнэхээр их хичээж байна. Гэтэл бидний хүссэн шиг хурдан болохгүй байх шиг. Энэ хоёр улс зөвшилцөл, хэлэлцээрийг хүлээн зөвшөөрөх эсэх нь ч баттай биш мэт санагдаж байна. Дайн зөвхөн Орост болон Украин (Урейн)-д бус, бүх зүйлд нөлөөлдөг учраас дэлхий нийтээрээ үнэхээр цөхрөнгөө барж байна. Эдийн засаг, тав тух, аюулгүй байдал, хүн төрөлхтний хүсдэг бүх зүйл уруудаж, дайны өмнөх үеийн байдлаас мэдээж бүр дордсон.Аллагын үйлийн үрээс болоод манай дэлхийн улс орнууд хэзээ ч хүссэнээр төгс сайхан байгаагүй. Гэмгүй, ариун амьтан-хүмүүсийг алж буй, ураг хороож буй гэх мэт үйлийн үрийг би хэлсэн дээ. Тэгэхээр үүнд хэнийг буруутгах вэ? Энэ дэлхийд олон хүн, олон бүлэг, бүлгэм, байгууллага, улс орон, улс төрийн тогтолцоо бий. Гэвч эдгээрээс гадна энэ бүхний ард, манай дэлхийн тогтолцоо болон сайн сайхан байдалд асар их нөлөө үзүүлдэг өөр бусад зэрэгцэн орших тогтолцоо буюу оршихуйнууд байдаг. Гэвч асуудал нь гэвэл энэ дэлхийн хүмүүс бид өөрсдөө нигүүлсэнгүй бус, жинхэнэ хүн шиг бус, байх ёстой шигээ хүнлэг энэрэнгүй бус байж, энэ дэлхийг эв найртай байлгахын төлөө хангалттай хичээдэггүй.Бид буюу Диваажингийн баг, мэдээж намайг оролцуулаад энэ дэлхийн тогтолцоотой зэрэгцэн, мөн түүнээс ч дээгүүр түвшинд ажилласаар, нөхцөл байдлыг сайжруулан, тус дэм болохыг хичээж байна. Зөвхөн сүнслэг түвшинд төдийгүй бүр улс төрийн түвшинд хүртэл бид дэмжлэг үзүүлж байгаа. Учир нь эв нэгдэлгүй, энх тайванч бус, энх тайван бус байхад дэлхийн дээд удирдагчдад нөлөөлөх гэж ихэд хичээж буй зарим нэг дорд хүмүүс буюу хүн бус төрөлтнүүдийн гарт хүн төрөлхтөн хэрхэн зовж буйг Диваажингийн Төрөлтнүүд бид зүгээр хараад зогсож чадахгүй. Хүн бус төрөлтнүүд дэлхийд үймээн самуун дэгдээхийг хичээж байна. Маяа тэгж ажилладаг. Хий хуурмаг хүч буюу та нарын сөрөг хүч гэж хэлдэг зүйл ингэж ажилладаг. Тэд ийм зүйл хийж, хүмүүсийг, ядарсан хүмүүсийг үймээн самуунтай байлгах дуртай.Дэлхийн удирдагчид хүртэл, олонх нь эдгээр чөтгөрийн тогтолцооны эсрэг явах ямар ч хүчгүй учраас бас яаж ч чаддаггүй. Тэдэнд хүч бий л дээ, асар их хүч бий. Тэдэнд Бурханы Хүч, Бурханы Адис, Бурханы Ивээл, Бурхан Чанар дотоодод нь байдаг ч тэд хэрхэн нээхээ мэдэхгүй болохоор бүгд хаалттай. Эсвэл ийм зүйл байдаг гэдэгт итгэдэггүй. Тэгээд ч хэрхэн ашиглахаа бас мэдэхгүй. Тэгэхээр бүх зүйл наймааны барьцаа мэт болно, эсвэл хүч хэрэглэх, асуудал тарих, эсрэг талаа хэрхэн ялах стратеги гаргах, эсвэл илүү дорой буурай улс орнуудыг хэрхэн эзлэх тухайд байдаг. Энэ бүхэнд харамсмаар. Учир нь бүх хүний дотор төрөлхийн Бурханы Хүч байдаг. Хүмүүний доторх, хүн хэмээх оршихуй доторх илүү дээд гэгээрэл, дотоодын илүү дээд төвлөрлөөр л хүн ямар ч нөхцөл байдлыг хэрхэн зохицуулах, хэрхэн нэгнээ ариун оршихуй хэмээн талархан хүлээн авах, мөн хэрхэн энхийг тогтоож, Ертөнц дэх нэгнийхээ байр суурыг хэрхэн дэвшүүлэх, бүгд холбоотой гэдгийг хэрхэн ухаарахыг ойлгодог.Би хүмүүсийн тухай л ярилаа. Гэвч бид бас амьтан-хүмүүстэй болон хүний нүдэнд үл үзэгдэх бусад төрөлтнүүдтэй холбоотой байдаг. Эдгээр хийсвэр зүйлсийг тайлбарлах маш хэцүү. Үнэхээр гэгээрсэн үедээ л та нар дотоод Нүдээрээ буюу жинхэнэ Нүдээрээ харах боломжтой. Бие махбодынхоо чихээр сонсдог зүйл, энэ нүдээрээ хардаг зүйл бол бодит зүйл биш. Та нар жинхэнэ Нүдээрээ харсан цагт л, бидний нэрлэдгээр Билгийн Мэлмий буюу Гуравдагч Нүдээрээ харж, жинхэнэ Чихээрээ сонсдог болсон цагт л жинхэнэ ертөнцийг харж чадна. Жинхэнэ зүйлсийг сонсоход энэ бие махбодын чих шаардлагагүй. Бид жинхэнэ ертөнцийг мэднэ. Тийм учраас эрт дээр үеэс хүмүүс гэгээрсэн Их Багш буюу зам мөрийг харуулж, хэрхэн жинхэнэ ертөнцтэй холбогдохыг харуулж чадах чадалтай Их Багшийг хайсаар ирсэн.Тэгэхээр Диваажингийн Баг, мэдээж би ороод, олон асуудлыг шийдэх гэж, олон зангилааг тайлах гэж, ярилцах гэж, шийдэл гаргах гэж, саадыг багасгах гэж, энх тайван тогтож удаан үргэлжлэг гэж энэ дэлхийд энхийн энергийг илүү тэтгэх гэж та нарын араар үнэхээр шаргуу ажилласаар ирсэн, уучлаарай. Бид өөрсдөөсөө өөр хэнд ч найдах боломжгүй. Бусдаас бид юу хүснэ, өөрсдөө яг тийм байх ёстой. Бусдын тусламж ирэхээс өмнө бидэнд эхлээд байх ёстой. Диваажингийн Баг болон би, Бид үнэхээр шаргуу ажилладаг. Дэлхийд, удирдагч нар хамт суугаад, эсвэл улс орон, засгийн газрууд хоорондоо хэлэлцээр хийдэг шиг биш. Үгүй, үгүй. Энэ бол нэг л жижиг хэсэг нь. Илүү том хэсэг нь дотоод ертөнц. Баг ба би явж суурь шалтгааныг нь хайдаг.Photo Caption: “Бурхан Бүх Өнгөөр Гоо Үзэсгэлэнг Бүтээдэг”
