Дэлгэрэнгүй
Татаж авах Docx
Дэлгэрэнгүй уншаарай
Энэхүү энхийн хэлэлцээртэй холбоотой дотоод нөхцөл байдал буюу үйл ажиллагаанд бид гэнэтхэн өнөөдөр биш, аль эртнээс оролцож байгаа. Заримдаа хийсэн зүйлээ хэлэхээ мартдаг ч ихэнхдээ мэдэхгүй байсан нь та нарт зүгээр. Харин өнөөдөр санасан тул мартахаасаа өмнө хэлж байна. Энх тайвны Хаанаар дамжуулан БУРХАН алс холоос ирсэн Хаадад надтай уулзах цаг товлохыг зөвшөөрөөгүйн нэг шалтгаан нь олон энхийн хэлэлцээ зэрэг өрнөж байгаа явдал юм. Энх тайвны ярианы самадийн үеэр асар их Бурханлаг эрч хүч ашиглах шаардлагатай тул бие махбодод минь хэт их ачаалал ирэх байх. Тэр үед би ихэнхдээ хөдөлж чадалгүй, нэг газраа өчүүхэн төдий л хөдөлдөг. Бие өөрөө аяндаа хөдлөх нь өөр ч, тэр нь мөн л маш удаан, хөдөлгөөн хоорондын зай нь их байдаг. Юмс яагаад үргэлж тогтмол байдлаар хийгддэггүй, яагаад та нар надаас байнга сураг сонсдоггүйг мэдүүлэхийн тулд үүнийг хэлж байна. Миний хийдэг ажил жирийн ажил биш. Өглөөний наймаас оройн тав хүртэл ажиллаж, бямба, нямд амардаг ажил биш. Бидний болон миний нөхцөл байдлыг ойлгуулахын тулд би боломжтой үедээ хэлж болох зүйлээ та нарт хэлэх ёстой гэж боддог. Эс бөгөөс та нарын сэтгэлд хэт олон асуулт төрж, ажилдаа төвлөрч чадахгүй. Ямар ч байсан би та нарт хайртай, энэ зовлонт ертөнцөд та нарыг хэзээ ч орхихгүй гэдгийг санаарай. Одоо энх тайван ирсэн. Ядаж та бүхэн оюун санаа, сэтгэл зүрхэндээ амар амгаланг мэдэрч байгаа. Эргэн тойрны бусад хүнд юу ч тохиолдсон тэр нь тэдний сонголт тул та нар хүлээн зөвшөөрөхөөс өөр аргагүй. Тэд Диваажинг сонгохын оронд тамыг сонгодог. Тэдэнд чөлөөт хүсэл зориг бий. Хэрэв удахгүй сэрэхгүй бол Диваажин, Дэлхий дахин ариусаж шинэчлэгдэх хүртэл ирэх олон галавын явцад тэд бараг устана. Харин тэд ахин амилж чадах үгүй нь тодорхойгүй. Эсвэл тэр тамдаа үүрд үлдвэл бүх зүйл дуусна. Бидэнд хийж чадах зүйл үнэндээ бараг байхгүй. Үүнийг дуулгахад маш гунигтай байна. Гэхдээ та нар дэлхийн нөхцөл байдал, хүн төрөлхтний хувь заяа, миний ажлын талаар улам ихийг мэдэхийг үргэлж хүсдэг. Энэ нь та нарын сэтгэлийг ядаж тодорхой хэмжээгээр хангана гэж найдаж байна. Хэлж болох өөр зүйл гарч, надад цаг байвал хэлнэ ээ. Би дотоод төлөвт байх үед бие маань ямар ч хөдөлгөөнгүй байдаг. Тиймээс хөдөлнө, хөдлөхгүй гэж тэмцэнэ гэсэн үг биш. Намайг дотоодын дээд төлөвт байх үед миний бие мэдээж бараг л үхсэн мэт хэвтэж, эсвэл сууж байдаг. Тухайн үед ямар нөхцөлд байгаагаас шалтгаална. Харин энх тайвны яриа, дотоод энхийн хэлэлцээний үеэр бие идэвхтэй сэрүүн, хөдөлж юм хийхэд бэлэн биш ч би биеэ мэдэрсээр байдаг. Энэ нь ердөө... Би самадиас гараад эрчтэй хөдөлж хараахан чаддаггүй. Үүнд тодорхой хугацаа ордог. Ийм дотоод энхийн хэлэлцээнд асар их эрч хүч шаардагдахын хамт янз бүрийн үр дагаврыг тэсвэрлэх хэрэгтэй болдог. Асурийн Түвшинд явагдсан ч бие махбод мөн адил зүдэрдэг. Энэ бол асар их зүтгэл. Би тод хэлсэн бол З-Ү-Т-Г-Э-Л гэж байгаа юм шүү. Миний хэл яриа одоо ч бүрэн хэвийн болоогүй байна. Тийм учраас энэ дэлхийд энх тайвантай холбоотой үйл хэрэг маш хүнд. Сонсоход амархан мэт боловч огт тийм биш. Амь хөнөөсөн үйлийн үрээс болж бид жил бүр, ээ БУРХАН минь, хэдэн арван сая нярай, ураг хөнөөдөг. Бид жил бүр, бүр сар болгон ч байж мэднэ, амьтны дүртэй хэдэн их наяд, тоолж баршгүй олон амьд төрөлтнийг хөнөөдөг. Хэн ч жинхэнэ тоог нь хэлж чадахгүй. Хайрт БУРХАН минь ээ, зүрх минь маш их шаналж байна. Зүрх минь үнэхээр их шаналж байна.
НҮБ-ын Хүнс, Хөдөө Аж Ахуйн Байгууллага буюу ХХААБ-ын 2022 оны мэдээлэл, мөн “Sentience Institute” хийгээд судлаач Алисон Мүүд, Фил Брук нарын тооцоолсон зэрлэг болон үйлдвэрийн аргаар өсгөсөн загас-хүмүүсийн тоонд үндэслэвэл 24 цаг тутамд 3.5-6.5 тэрбум амьтан-ардыг хүнсэнд зориулан хөнөөдөг. Үүнийг 365 хоногоор тооцвол жил бүр ойролцоогоор 1.28-2.37 их наяд амьтан-хүн хөнөөгддөг байна.
За, та нар үүний заримыг аль хэдийн мэдэж байгаа байх. Одоо би хэсэгхэн амраад, Суприм Мастер Телевизийн ердийн биет түвшний ажил болон бусад ажлаа хийхээр гарна. Дотоод энхийн хэлэлцээ надад яаж нөлөөлдгийг би бүгдийг нь та нарт дүрсэлж яримааргүй байна. Гагцхүү таатай биш гэдгийг л хэлж чадна. Өвддөг гэж хэлэхэд л хангалттай. Нарийн хэлж чадахгүй. Хэлэхийг ч хүсэхгүй байна. Суприм Мастер Телевизийн биет түвшний ажил гэж ярьж байгаа ч зөвхөн биеийн хүчний ажил биш. Бидний нэвтрүүлсэн бүх зүйлд БУРХАНЫ Агуу Хүч, Их Багшийн Хүч, бодит хэмжээснээс эхлээд дээд, хамгийн дээд Тэнгэрлэг, Ариун Хэмжээсний БУРХАНЫ Хүч шингэсэн байдаг. Тиймээс багийнхан та нар үүнийг хийгээд, надад илгээхээсээ өмнө хоёр дахин шалгасан байсан ч би та нараар зүгээр шууд хийлгэчхэж болохгүй. Би заавал хянах хэрэгтэй. Дэлхий даяар Суприм Мастер Телевизийн дэлгэцээр гарах үг, бичвэр болон бүх зүйлд сүнслэг хүч шингээх хэрэгтэй. Одоо та нар надад өдөр бүр хэчнээн их ажил ирдгийг мэдлээ. Гэхдээ надад тусалж байгаад тань баярлалаа. Учир нь та нар сайн хүмүүс. Өдөр тутмын амьдралынхаа тухай хэлэх нь зүйтэй. Тэгвэл заримдаа хянан засварласан нэвтрүүлгээ хугацаанд нь илгээж чаддаггүйг минь та нар ойлгоно. Учир нь өмнө нь бид илүү жигд, тогтмол ажилладаг байсан. Заримдаа би хоцроодог ч сүүлийн үед илүү олон давтагдах боллоо. Нэмэлт бясалгалын улмаас та нар ч бас хоцроох болсон. Суприм Мастер Телевизийн дотоод ажилтнууд аа, аль болох их бясалгаж, ажилдаа төвлөрөөрэй. Үнэндээ энэ нь зөвхөн биеийн хүчний бус, дэлхий дахиныг адисалж, гамшиг, бэрхшээл, тамд буй хүмүүсийн зовлонг аль болох багасгах сүнслэг ажил юм. Хэрэв хүмүүс манай Телевизийг сонсож, амьдралын хэв маягаа өөрчлөн, аль болох олноороо веган болбол тэднийг тамаас аврахад илүү хялбар болно. Тиймээс та нарын ажил маш чухал, тун эрхэм ариун. Хойрго бүү байгаарай. Ажлаа бүү цалгардуулаарай. Би та нарт маш их хайртай, хийж буй бүхнийг тань өндрөөр үнэлдэг. Өдөр бүр би бичвэр юм уу ажлаа илгээхдээ та нарт талархаж, мөн БУРХАНЫГ хайрлах, БУРХАНД талархах, БУРХАНЫГ магтан дуулах, БУРХАНД залбирах, ердөө БУРХАНЫГ санаж явахыг сануулан бичдэг. Энэ ч бас маш чухал. Бидний ажил бол хөөрхий хүмүүс болон амьтан-хүмүүсийг аврах БУРХАНЫ Тэнгэрлэг Хүчний багаж зэмсэг юм. Та нарыг адисалъя. Ийм эрхэм ариун, хамгийн дээд үйл хэргийн төлөө ажиллах боломжтой байгаад тань бас баяр хүргэе. Та нарт маш их хайртай. Хэрэгтэй зүйлээ эргэлзэлгүй захиалаарай. Хэрэгтэй зүйлээ захиалахаас бүү эргэлз. Мөн сайн хооллож, боломжтой үедээ унтаж, амарч байгаарай. Аль болох их бясалга. БУРХАНЫГ үргэлж сана. Би бол та нар. Би та нарт хайртай. Бид хүн төрөлхтөн болон энэ гаргийн хамаг төрөлтөн, бүр мод, бут, цэцгийг ч аврахын төлөө энэ бүхнийг хийж, шаргуу ажиллаж байна. Хүн төрөлхтөн болон бусад бүх төрөлтний амьд гарахад тэд цөм харилцан нөлөөлдөг. Ганцхан төрөлтөн байсан ч бидний хувьд хамгийн чухал үйл хэрэг тул бид чадах чинээгээрээ олныг аврах болно. Учир нь бид тэдэнд хайртай. Бид бүгдэд нь хайртай. Үүнд өөр тайлбар, өөр зөвтгөл огт хэрэггүй. Бид бүгдэд нь хайртай бөгөөд хайртай нэгнийхээ төлөө чадах бүхнээ хийдэг. Энэ бол жам ёсны зүйл. Хоёр дахь Хаантай хэзээ ярьж эхлэх, хэзээ дуусгахаа мэдэхгүй тул үүнийг эхлээд та нарт илгээе гэж бодож байна. Тийм ээ, боломжтой зүйлээ эхлээд илгээсэн нь дээр байх. БУРХАНЫ Хүч, Их Багшийн Хүч хүмүүсийг дэмжих, адислах, дээшлүүлэх, аврахад үргэлж бэлэн байдаг. Гэвч хүмүүс анхаарч холбогддоггүй. Тийм учраас л эгэл ертөнцийн бодол санаатай хүмүүст БУРХАНЫГ, адислал, Диваажинг илүү тодорхой сануулахын тулд Суприм Мастер Телевизийг түгээх хэрэгсэл болгон ашиглах шаардлагатай байгаа юм. Ингэж хүмүүс Бурхантай илүү амархан холбогдоно. Суприм Мастер Телевизийг маань өчүүхэн төдий хүндлэл, өчүүхэн төдий итгэлтэй үзсэн хүн бүр тусгай анхааралд багтаж, аврагдана. Тэд үүрд чөлөөлөгдөж ч болно. Photo Caption: “БУРХАНЫ Бүхий л Бүтээл, Том, Жижиггүй Гайхалтай”
