Жинхэнэ Их Багштай бол та зөвхөн бясалгах үедээ бус, амьдралынхаа хором бүрд, өдөр шөнийн 24 цаг хамгаалагдаж байгаа.

Индонезийн Жакарта хотоос нэгэн шавийн индонез хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хайрт Ариун Их Багш, Төгс Гэгээрсэн Их Багш Чин Хай Тандаа. Өөрийгөө танилцуулахыг зөвшөөрнө үү: Би Индонезийн Жакарта хотын авшигтан. Авшиг хүртэхээс өмнө болон дараа үзсэн дотоод ахуй ойлголтуудаа хуваалцахыг зөвшөөрнө үү. Арьяабалын бясалгалын авшиг хүртэхээсээ өмнө би амьсгалын техник ашиглан бясалгадаг байлаа. Тэр аргаар бясалгахдаа би олонтаа саад тотгортой тулгардаг байсан. Одоо ч тод санаж буй нэг саад бол амьсгалын техникээр бясалгаж байхад нэгэн “сүнс” миний зүүн бугуйнаас атгахыг мэдэрсэн явдал; энэ нь маш цочирдом бөгөөд аймшигтай байсан. Жинхэнэ Их Багшгүйгээр бясалгах аюултай гэж олонтаа сонсож байсан бөгөөд тэр явдлаас хойш, үүсэж бий болдог олон төрлийн саад, хямрал үнэхээр байдаг бөгөөд бид тэдгээрийг зохицуулах чадваргүйг улам бүр тодорхой ойлгосон. Зөвхөн Жинхэнэ Их Багшийн хамгаалалт л биднийг аюулгүй байлгаж чадна.

Дараа нь Арьяабалын бясалгалын авшиг хүртэхийн өмнөхөн бас нэг дотоод ахуй ойлголт үзсэн. Бясалгаж байхдаа би миний Жинхэнэ Их Багш Таны Нэрийг уншсан. Тэр бясалгалын үеэр, Их Багш асар хурц Гэрлийн хэлбэрээр сансар огторгуйд энэ Дэлхийн юунаас ч хурдан, яг л Гэрлийн хурдаар явж байгаа мэт байхыг нь харсан. Их Багшийг хэд хэдэн цэнхэр Гэрэл дагалдаж байсан бөгөөд тэднийг Их Багшид тусалж буй сахиусан тэнгэрүүд гэж би ойлгосон. Их Багш болон сахиусан тэнгэрүүд дэлхийг цохих гэж байсан “харанхуй” буюу сөрөг хүчнүүдийг түлхэн зайлуулж байв. Их Багш тэдгээр “харанхуй” хүчийг Дэлхийд хүргэхгүйн төлөө тэмцэж байлаа. Үүнийг хараад би үнэхээр их гайхан биширч, сэтгэл хөдөлсөн. Их Багш минь, Та энэ Дэлхийг аврахаар төрлөөс төрөл тутамд огт зогсолтгүй ажилладаг. Чимээгүй, хэн ч харахгүй байсан ч Та энэ Дэлхий дээр оршин буй бид бүхэнд туслахаас хэзээ ч үл шантардаг. Энэ нь намайг авшиг хүртэж, Таны шавь болох эрмэлзлийг минь улам бүр бадраасан.

Авшиг хүртсэнийхээ дараа би Арьяабалын бясалгалын үеэр тамын албатууд тамын орноо тэлэх шинэ “газар” хайж байхыг харсан. Там өөрөө хязгааргүй; түүний уудам хэмжээг энэ Дэлхийн хэмжүүрээр төсөөлж ч эхлэхийн аргагүй. Тэр үнэхээр асар уудам, аймшигтай. Хэдий тийм боловч тамын тэр их уудам орон зай ч бүх сүнсийг багтаахад хүрэлцэхгүй тул улам тэлэх шаардлагатай ажээ. Өө, Их Багш минь, Та шаварт ургасан ч шаварт үл бохирдох бадамлянхуа мэт ариун; хэдийгээр там хэзээ ч хоосордоггүй, хүмүүс төрөл бүрийн нүгэл үйлдэж, Эх Дэлхийгээ сүйтгэсээр байдаг ч, Та бүх сүнсийг аврахын төлөөх хүчин чармайлтаа хэзээ ч зогсоодоггүй, алжааж амардаггүй. Та хэзээ ч няцаж бууж өгдөггүй. Баярлалаа, Их Багш минь; Таны эрүүл мэнд, аз жаргалын төлөө би үргэлж залбирдаг. Индонезийн Жакарта хотоос Таны шавь

Халамжит БУРХАНЫ шавь аа, Дотоод ахуй ойлголтуудаа хуваалцсанд баярлалаа. Эдгээр нь Их Багшийн Нигүүлсэл хэчнээн хязгааргүйг бусад хүмүүс ойлгоход туслах болтугай.

Их Багш танд зориулан энэрэнгүй захиас илгээжээ: “Талархалт БУРХАНЫ шавь аа, та өөрөө бие даан бясалгах болон амьд гэгээрсэн Их Багшийн удирдлага дор бясалгахын ялгааг өөрийн туршлагаараа мэдэрч, ойлгож ухаарсан тань сайн хэрэг. Жинхэнэ Их Багштай бол та зөвхөн бясалгах үедээ бус, амьдралынхаа хором бүрд, өдөр шөнийн 24 цаг хамгаалагдаж байгаа. Түүнчлэн гэгээрсэн Их Багшийн замчлалгүйгээр хуурмаг гурван ертөнцөөс ангижрах боломжгүй. Тиймээс хамгийн дээд ухамсарт хүрэхийг хүсвэл бүрэн гэгээрсэн Их Багшийг олох ёстой. Таны түүхийг сонссон хүмүүс Их Багштай хамт бясалгаж, авшиг хүртэхийн чухлыг ухаарна гэж найдаж байна. Та болон Индонезийн өгөөмөр ард түмэн дотоод дахь Тэнгэрлэг Гэрэлдээ сэрж, БУРХАН-д хүргэх Гэртээ харих замаа олох болтугай. Миний Хайр таныг амьдралын бүх л саад бэрхшээлийг туулан гарахад тань түшин авч явна. БУРХАНЫ Ивээл дор танд үүрд хайртай!”