Дэлгэрэнгүй
Татаж авах Docx
Дэлгэрэнгүй уншаарай
Хуучирсныг устган арилгах нь (1944)“Дээрээс бууж ирдэг тэдгээр Төрөлтнүүд “Бид Дэлхийг толгойгоор нь хөмөрч түүнээс хорон мууг үлдэн хөөнө” гэж хэлдэг. Хорон муу та нар руу ахин орж ирэхийг оролдохгүй.Одоо тохиолдож буй энэ их сүйтгэл бол одоо ирж буй агуу Амьдралын улмаас юм. Хэрэв хүмүүс Христийг сайн дураар хүлээн авахгүй бол орчин цагийн соёл Галаар долоон удаа дамжина, харин эцэст нь цэвэрлэгдэж, шинэчлэгдэнэ. Галын Давлагаа бүх хүмүүсийн ухамсар дундуур дайран гарна. Энэ Бурханлаг Галыг та нар бүгд дайран гарна; та нар чөлөөтэй сүнс болж хүлээснээс чөлөөлөгдөнө.Хэрэв хүмүүс сэрж, босохгүй бол тэднийг нөмөрсөн байгаа бүхий л “бүтээлгүүд” шатах болно. Хэн нэгний бүтээсэн бүхэн шатаж, үнс тортог болж хувирна. Эзэн Бурханы Өдөр Ирж байгааг би ярьж байна. Би одоо хэлж байна: Бид Эзэн Бурханы Өдөрт байна!Сүүлийн галт тэрэг хөдлөхөд хагас цаг л үлджээ. Тооцоогоо хараахан шийдвэрлээгүй байгаа хүмүүс гаслантай. Европ урьдын алдаагаа засахгүй бол замд нь агуу зовлон гамшиг тохионо. Эзэн Бурхан ирж байна, Тэр хэдийн Дэлхий дээр Хөлөө тавьсан. Тэр Дэлхий дээр хөлөө тавьснаа хялбархан нотолж чадна. Хэрхэн? Тогтмол өсөн нэмэгдэж буй их зовлон бол Эзэн Бурхан энэ дэлхийд ирж буйн нотолгоо юм. Түүний шийдвэр юу болохыг та нар мэдэх үү? Ариун бус бүхэн шатаагдана. Дэлхий дээр босох энэ тоосыг хэн ч өмнө нь харж байгаагүй. Агуу Өдрийн өмнө агуу цэвэрлэгээ айсуйг та нар огт гадарлаагүй. Европын улс орнуудаас, европын дипломатуудын төлөвлөгөөнөөс юу ч үлдэхгүй. Хайр хуучин бүхнийг устгана. Үүний дараа, бид байгуулж эхэлнэ.Нийгмийн дундах энэ ороо бусгаа байдал, хямарсан хүмүүсийн дундах энэ үймээн самуун Бурхан бүгдэд нэвтэрч байгааг илтгэнэ. Энэ бүхэн хүн төрөлхтний олон мянган жилийн турш хуримтлуулсан үйлийн үрийг арилгахтай холбогдоно. Хуучин ойлголтууд, бодлууд, мэдрэмжүүд зовлонгийн Галд шатах хүртэл хүмүүс одоо ирэх цаг нь болсон Шинэ Амьдрал руу нэвтэрч чадахгүй.Учир нь олон мянган жилийн турш бид сөрөг хүчний нөлөөнд байсан бөгөөд эдгээр хүчнүүд одоо бидний эсрэг эргэж байгаа юм. Хүмүүс зөв замаа алдсан бөгөөд бүх гай барцад үүний улмаас юм. Тэд олон зүйлээс гажуудсан мөн энэ шалтгаанаар, өөрсдийн хөгжлөөр хоцорсон юм. Үл харагдах Ертөнц тэдэнд туслахыг тийнхүү тэднийг зөв хөгжүүлэхийг хүсэж байна. Үл харагдах Ертөнц өөрсдийн ажилтнуудаа алхтай нь хамт хүмүүсийн гэрт ажиллуулахаар илгээж байна. Эдгээр гай барцдыг “амьдралын таагүй нөхцөлүүд” гэж нэрлэдэг. Өөрсдийн амьдралын хуумгай замаар хүмүүс хорон мууг сулруулж үр дүнд нь зовлон гамшиг ирдэг.Бидний өнөөдөр мэдэрч буй, бидний дээрээс хүнд жин дарж буй зүйл бол бидний үйлийн үр юм. Энэ бол төлөгдөх хугацаа нь болсон өр юм. Матай, 24-р бүлэгт “сонгогдсон” эмэгтэй үйлийн үрээ төлсөн; тэр бүх өрнөөсөө чөлөөлөгдсөн. Нөгөө талаар “орхигдсон” эмэгтэй хараахан үйлийн үрээ арилгаагүй. Мөн одоогийн үйл явдлууд хуучин өр төлөөсөө төлөх, үйлийн үрийг арилгахыг зааж байна. Одоо явагдаж буй зүйл бол хүн төрөлхтний хуучин алдааг арилгах явц хурдсаж байгаа юм. Хуримтлагдсан бүхэн устаж байна. Намар хуучин навчис хүссэн ч хүсээгүй ч унадаг. Зөвхөн шинэ мөчир, навчис, цэцэгсийг ирэх хавар ургуулах нахиа л модонд үлддэг. Амьдралын гоо үзэсгэлэн нь өөрчлөлтөд оршдог. Шуурганы дараа цаг агаар цэлмэдэг. Одоогийн үйл явдлууд шуургатай адил: тэд өнгөрөн одно. Тохиолдож байгаа бүхэн илүү сайны төлөө юм. Одоогийн дэг журам сайн гэж бид боддог, Бурхан хүмүүсийн үйлдэх энэ хирээс хэтэрсэн байдлаас залхсан.Европын улс үндэстнүүдийн үйлийн үр хэдийн боловсорсон бөгөөд нийт хүн төрөлхтөнд зовлон учруулж байна. Эдгээр үймээн самуун хүмүүсийг амьдралын зам мөрөө өөрчлөх Бурханлаг Сургаалуудыг ашиглах хэрэгтэйг илтгэнэ. […] Христийн шашинтай үндэстнүүд Христийн Сургаалуудыг ашиглаагүй бөгөөд одоо үймээн самуун ирсэн. Бурханы Хүсэл Зоригийн биеллийг хүмүүс сайн дураар, сэрсэн ухамсраар хүлээн аваагүй тул хямралын цаг ирж байна. Эдгээр хямарсан цаг үе хэдийн ирсэн байна. Илүү ч их үймээн, гадна ч, дотор ч, хүмүүсийг сэрээж, Бурханы Хүсэл Зоригийг биелүүлж, Бурханд үйлчлүүлэхийн тулд ирэх болно. Хүн төрөлхтөнд албадан тулгагдана. […]Өөр нэгэн тохиолд Их Багш хэлсэн: Дэлхий бүхэлдээ одоогоор агуу өөрчлөлтийг, сэргээн босголтыг туулж байна. Хүчнүүд нь тэнцвэржих хүртэл үргэлжлэх болно. Хүмүүс үймээн самууныг туулна. Гарагийн аль бүсэд илүү их үймээн самуун тохиохыг таамаглах аргууд байдаг.Европ бүхэлдээ үймж байна. Бүх дэлхий эмх замбараагүй байна. Бүү ай. Зовлон бэрхшээлийн ийм цаг үед хүмүүс Бурханыг мэдэх болно. Түүнийг бүх зүйлсийг сайнд урвуулдаг Агуу Бүхнийг мэдэгч Хүч гэдгийг тэд ойлгох болно. Та нар тайван, амар амгалан байдлаа хадгалж, амьдарч байгаа цаг үе тань хамгийн таатайг мэдэх хэрэгтэй. Европ бүхэлдээ төсөөлшгүй сорилтыг туулна. Орчин үеийн Европчуудын гол дээр барьсан далан нэг өдөр нурна. Иймээс хотын дээр байгаа хүмүүс уулнаас орогнол хайх, доод түвшинд байгаа хүмүүс илүү өндөр газар руу гүйх ёстой. Би дүрслэн ярьж байна.Хүмүүс өөрт нь ирээдүйд юу тохиохыг асуудаг. Мөсөөр хучигдсан Хойд туйлд та нар амьдардаг гэж төсөөлье. Гэр тань мөсөөр хийгдсэн; хаана ч та нар ус харахгүй. Дэлхий агуу өөрчлөлтийг туулж байгаа тул сэргийлэх арга хэмжээ авах хэрэгтэй гэж би та нарт хэлнэ. Нар маш халуунаар гялбаж эхэлнэ. Энэ нь мөсийг хайлуулна, байшингууд нуран унаж та нар живж эхэлнэ. “Ямар муу явдал бидэнд тохионо вэ” гэж та нар хэлнэ. Энэ муу явдал биш; мөс зүгээр л хайлж байна. Үүнтэй ижил зүйлийг би одоо та нарт хэлж байна: Хэрэв та нар амьдралаа засахгүй бол ижил зүйл тохиолдоно. Та нарыг айлгах гэж би үүнийг хэлээгүй. Энэ бол Амьдралын байгалийн жам. Одоо ирж буй Агуу Давалгаа мөсийг хагалж, ус болгон хувиргана. Энэ бол дэлхий дээрх Агуу Бүхнийг Мэдэгч Долгион хэдийнээ ойртсон учраас юм.Эдгээр үйл явдлуудын дараа хүмүүсийн аминч үзэл сарнин алга болж хүмүүс ахан дүүс мэт чөлөөтэй амьдарч эхэлнэ. Хүмүүс амьдралын хуучин замаа орхих цаг ирсэн.Миний та нарт ярьсан Бурхан Дэлхийг сэгсрэх болно. Гагцхүү тэр үед л та нар намайг Үнэнийг ярьж байсан эсэхийг ойлгох болно. Бичээст өгүүлдгээр Бурхан Дэлхийг сэгсэрч амьд төрөлтөн бүр Шударга ёс, Үнэн, Буян, Хайр, Билиг ухаан оршдогийг ухаарах болно. Хаа сайгүй хүн бүр Бурхан дэлхий дээр байгааг — хүмүүс үүнийг эцэстээ мэдэхийг мэдэх хэрэгтэй байна”.
