Хүндэт Гэгээрсэн Их Багш Дээрхийн Гэгээн Зургаадугаар Патриарх Хүй Нэнгийн (веган) мэндэлснийг хайр, талархал, магтаалтайгаар тэмдэглэхүй.

Хүндэт Буддист Их Багш, Зэнгийн Зургаадугаар Их Хамба Хүй Нэн бол Хятадын Зэн Буддизмийн эртний түүхэн дэх домогт төлөөлөгч юм. Түлээ түүн зарж амь зуудаг байсан, бичиг үсэг үл мэдэх ядуу тариачин нэгэн өдөр Очироор Огтлогч Судрыг уншиж байхад нэгэн хэсгийг нь сонсоод тухайн хэсгийнхээ жинхэнэ утгыг тэр даруйд шууд ойлгон Үнэний сэхээрлийг олсон гэж үздэг. Их Багш Хүй нэн нь албан ёсны ямар нэгэн сургалтын мэдлэг байхгүй ч, тэрхүү Буддын сургаалыг ойлгосон өөрийн ойлголтоо тавдугаар их хамба Даман Хонгрэн-д харуулжээ. Үүний үр дүнд, тэр бээр жинхэнэ залгамжлагч буюу Зургаадугаар Их Хамба болон сонгогдсон юм. Их Багш Хүй Нэн Зэнгийн Зургаадугаар Их Хамбын хувиар сургаалаа заахаасаа өмнө, тэр бээр дахин 15 жилийг гүн гүнзгий бясалгалд зарцуулсан байдаг. Түүнийг “Агшин Зуурын Гэгээрэл” гэх Буддизмын Хойд бүсийн Зэнгийн сургуулийн үүсгэн байгуулагч хэмээн үздэг бөгөөд энэ сургууль нь агшин зуур, шууд гэгээрэлд хүрэхэд төвлөрөн анхаардаг ажээ.

Зургаадугаар Их Хамбын Индрийн Судар бол Буддист Их Багш Хүй Нэнгийн амьдрал болон сургаалуудынх нь, нийлмэл тэмдэглэл төдийгүй Зүүн Азийн бясалгалын уламжлалд их нөлөө бүхий судар юм.