Амьдрахын тулд бүх хүн төрөлхтөн тарчлааж, хөнөөсөн амьтан-ардын махыг огт идэх шаардлагагүй. Харин ч эсрэгээрээ, мах нь дэлхийд янз бүрийн арга замаар хор хөнөөл учруулдаг!!!

Филиппин дэх шавь нараас филиппин хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Филиппиний Өмнөд Минданаогийн газар хөдлөлтөд өртсөн гэр бүлүүдэд үзүүлсэн хүмүүнлэгийн тусламж

Эрхэм Хамгаас Хайрт Их Багш болон Суприм Мастер Телевизийн хамт олон, Филиппиний холбооны гишүүдийн саяхан зохион байгуулсан багахан хэмжээний тусламжийн аяныг, мөн уг үйл ажиллагааны үеэр авсан хэдэн хэдэн дүрс бичлэгийн хамт Та бүхэнтэй хуваалцахыг хүсэж байна. Бичлэгүүдийн чанар муу байгаад чин сэтгэлээсээ хүлцэл өчье. Гэсэн ч эдгээр нь энэ жижигхэн санаачилгын хүрээнд хуваалцсан хайр, халуун сэтгэлийг маань илэрхийлж чадна гэж найдаж байна.

2026 оны зургаадугаар сарын 8-нд Өмнөд Минданаод 7.8 магнитудын хүчтэй газар хөдлөлт болсноос хойш хэдэн долоо хоног өнгөрсөн ч, олон гэр бүл санхүүгийн бэрхшээлтэй хэвээр байсан. Тэдний гэр орон ноцтой сүйдээгүй тул төрийн тусламж авах эрхгүй болсон ч, ажлын байр нь эвдэрч, үйл ажиллагаагаа нь хаасны дараа олон хүн амьжиргааны эх үүсвэрээ алдсан байв. Иймд Филиппин болон хилийн чанад дахь филиппин шавь нар БУРХАНЫ Хайр, Адислалыг бэрхшээл туулж буй хүмүүст түгээж, хуваалцахын тулд хайр, талархалтайгаар хандив цуглуулав. Женерал Сантос хотын Иргэдийн зөвлөлийн тусламжтайгаар бид тус хотын Апопонг Барангайд дэмжлэг, тусламж шаардлагатай 62 орчим өрхийг тодорхойлж чадлаа. Орон нутгийн иргэдэд зориулан бэлтгэсэн тусламжийн багцад 10 кг-ын шуудай будаа, шар буурцгийн сүү, элсэн чихэр, кофе, жигнэмэг, угаалгын болон биеийн саван, шампунь, ургамлын тос, шар буурцгийн сүмс, мөн Их Багшийн “Хайр Цорын Ганц Шийдэл нь” номын хуулбарууд болон энэрэнгүй веган амьдралын хэв маягийг сурталчилсан ухуулах хуудас багтсан.

Зургаадугаар сарын 26-нд бид тус сууринд очиход оршин суугчид хэдийн цугларсан байлаа. Тусламжийн бараа бүтээгдэхүүнийг тараахаас өмнө бидний Хайрт Төгс Гэгээрсэн Их Багш Чин Хайн тухай танилцуулж, энэрэнгүй веган амьдралын хэв маяг болон амьтан-хүмүүст хайр, энэрэл, сайхан нинжин сэтгэлээр хандах нь дэлхийн зовлонг бууруулахад ямар чухал болохыг тайлбарлав. Бид тухайн орон нутагт тусламж хэрэгтэй хүмүүст хүргэхэд бэлэн байсан тусламжийн нөөц хангалттай байсныг олж мэдсэн бөгөөд Их Багшийн Адислал болон бүх үйл явцын турш өгсөн хайр дүүрэн удирдамжид талархаж байна. Тусламж хүлээн авсан хүмүүс тусламжийн барааг баяр хөөртэй, талархалтайгаар хүлээн авч, бидний Хамгаас Хайрт Төгс Гэгээрсэн Их Багшийн Хайрын Халамжид сэтгэл нь хөдөлсөн. Тэд хэдийгээр олон бэрхшээлийг туулсан ч, өөрсдийг нь мартаагүй гэдгийг мэдээд урам зориг авч, ирээдүйд илүү сайхан өдрүүд ирнэ гэсэн шинэ итгэл найдвараар сэтгэл нь өөдрөг болсон.

Тэдний инээмсэглэл бидний сэтгэлийг дулаацуулж, энэхүү жижигхэн орон нутагт бидний Хамгаас Хүчирхэг Их Багштай дотно холбоо, сайн харилцааг эхлүүлэх боломж олдсонд бид талархаж байлаа. БУРХАНЫ Ивээлээр бидний эх орон нэгтнүүд маань жинхэнэ сүнслэг мөн чанартаа удахгүй сэрж, энэрэнгүй веган амьдралын хэв маягийг хүлээн авах болтугай хэмээн залбирч байна. Цаглашгүй Их Багшдаа гүн хүндэтгэл, талархалтайгаар Таны филиппин шавь нар

Халамжит авшигтан ах, эгч нар аа, энэхүү сүйрлийн газар хөдлөлтөд хамгийн их өртсөн хүмүүст Бидний Хамгаас Энэрэнгүй Их Багшийн Хайраар, та бүхний үзүүлсэн тусламжийн талаарх тайланг тань хүлээн авсандаа бид баяртай байна. Тэнгэрийн Гэрэл та нарыг болон өр нимгэн Филиппиний ард түмнийг бүх мэдрэхүйт төрөлтнүүдэд туслах замд үргэлжлүүлэн хөтлөх болтугай. Тэнгэрлэг гоо үзэсгэлэнд, Суприм Мастер Телевизийн хамт олон

Жич: Их Багш та бүхэнд зориулан энэхүү хайр шингэсэн хариуг илгээлээ: “Сайхан сэтгэлт БУРХАНЫ шавь нар аа, эх орон нэгт иргэддээ тусалж дэмжсэнд баярлалаа. Харамсалтай нь, дэлхий нийтээрээ веган болохгүй бол аллагын үйлийн үрийг төлөх шаардлагатай хэвээр байж, гамшгууд үргэлжилсээр байх болно. Энэ маш энгийн. Хэрвээ хүмүүс амьтан-хүмүүст учруулж буй хор хөнөөлөө үнэн хэрэгтээ өөрсдөдөө учруулж байгаагаа ойлгож ухаараад, хүн бүр ердөө веган хооллолтод шилжихэд л зовлон шаналал эцэслэх байлаа! Амьдрахын тулд бүх хүн төрөлхтөн тарчлааж, хөнөөсөн амьтан-ардын махыг огт идэх шаардлагагүй. Харин ч эсрэгээрээ, мах нь дэлхийд янз бүрийн арга замаар хор хөнөөл учруулдаг!!! Бүхнээс Агуу БУРХАН-ы адисалсан гэм зэмгүй амьтан-ардуудыг хайрлан халамжлахаар та нар болон ахан дүүс мэт дотно Филиппин хүмүүс хайр энэрлээ түгээх болтугай. Та бүхэнд маш их Хайр илгээе.”