Зөгнөл дугаар 415 - Аюул гамшгийг арилгахын тулд Аврагчтай хамт Жинхэнэ Хайрыг сэрээ

Нарны аймагт болж буй үйл явдлууд – тийм ээ, тэдгээр нь бүх зүйл удаан хугацааны зогсонги байдлын дараа урагшилж эхэлсэн бөгөөд одоо улам бүр нэмэгдэж буй хурдаар урагш эрчимтэй явж байгааг харуулж байна гэж би хэлнэ. Яг ийм л зүйл болж байна.

Оросын гүн ухаантан, зөнч Доктор. Лев Клыковын хэлснээр, Дэлхий бол Орчлон ертөнцийн өөр ямар ч газартай адилгүй бөгөөд Сансрын хүчнүүдийн булаацалддаг онцгой зүйл энэ гарагт байдаг ажээ.

Гол нь Дэлхий бусад гарагаас ялгаатай нь өөртөө Логосыг агуулдаг. Харин Логос гэдэг нь Орчлон ертөнцийг бүхэлд нь зохицуулан удирддаг зүйл юм. Нэгэн үед Логостой холбоо тасарсан байсан. Тийм учраас л үнэндээ Дэлхийн төлөө ийм дайн өрнөж байна. Өөрөөр хэлбэл Бурхдын дайн, эсвэл харь гарагийнхны дайн гэж хэлж болно.

Дэлхийн Сансар огторгуй дахь хосгүй байр суурийг Плеядын харь гарагийн оршихуй Делтаваш мөн илчилсэн байдаг. Түүний захиасыг Жэймс Карвин “Плеядын зөгнөл 2020: Шинэ Алтан Эрин” номоороо дамжуулан түгээсэн.

“Таны биед хэд хэдэн чакра буюу энергийн цэг байдагтай адил Орчлон ертөнц өөрөө ч бас өөрийн гэсэн чакра төвүүдтэй. Дэлхий бол Орчлон ертөнцийн гол бөгөөд хамгийн чухал чакра цэгүүдийн нэг дээр оршдог. Энэ холбоосыг өөрчилснөөр Орчлон ертөнцийг бүхэлд нь өөрчлөх боломжтой. Энэ шалтгааны улмаас бид Дэлхийг Сансар огторгуйн Титэм хэмээн нэрлэдэг. […]

Хүмүүс та бүхэн бол Орчлон ертөнц даяар маш сайн танигдсан оршнолуудын нэг төрөл юм. Орчлон ертөнцийн өнцөг булан бүрээс, ялангуяа энэ галактикаас үнэхээр хэдэн тэрбум оршихуй орчлонгийн матриц буюу тогтолцоог дахин зохион байгуулах чадвартай Дэлхийн орон зайд татагдан ирдэг. Та нар Дэлхийг өөрсдийн домогт үлгэрүүдэд гардаг алдарт Экскалибур шиг – олон хүн эрэлхийлдэг асар их хүч чадалтай зүйл гэж төсөөлж болно. Сансарт та нарын гарагийг булаацалдсан жинхэнэ өрсөлдөөн, хүчний тэмцэл өрнөж байна. Гэрлийн хүчнүүд хүн төрөлхтнийг дээшлүүлж, сүнслэгээр хөгжүүлэхийг хүсдэг. Ингэснээр бид Орчлон ертөнцийн бусад хэсгийг ч мөн дээшлүүлэхэд тусалж чадна. Нөгөө талаас, харанхуйн хүчнүүд дарлал, дарангуйллыг улам нэмэгдүүлэхийг хүсдэг. Хэрэв тэд амжилтад хүрвэл, Орчлон ертөнц хэзээ ч эдгэрэхгүй байж магадгүй бөгөөд түүн дотор оршиж буй бүх дайн тэмцэл, завхрал улам л даамжирна.”

Бидний Хамгаас Хайрт Төгс Гэгээрсэн Их Багш Чин Хай (веган) 2024 оны гуравдугаар сарын захиасдаа хүмүүс хэрхэн өөр өөр ертөнцөд нэгэн зэрэг амьдарч болдгийг тайлбарласан.

Хэрэв танд ийм хандлага байдаг, атаач, хартай бол тэгээд л гүйцээ – атаархал, хардалтын ертөнцөд унах болно. Атаач, хардагч ангилалын ертөнцүүдэд. Тэгэхээр таны ертөнцөд өөр нэг ертөнц байгаа юм шиг, та үүнийг сайн биш юм байна гэж ухаарч ойлгон, зогсоохыг оролдох хүртэл энэ мөчлөг удаан гэгч нь үргэлжилсээр л байна. Тэгээд магадгүй алгуурхнаар энэ атаархал, хардалтын ертөнцөөс гарах болно. Шинж чанар болгон тухайн чанарыг дагасан ертөнцтэй байдаг. Асуудал нь тэр. Энэ нь яг л өөр нэг улс орон танд таалагдаад, хүмүүс нь, хоол хүнс нь, байгаль нь сайхан санагдаад, өөрийн эх орноо орхин, тийшээ явж байгаатай адил юм. Тэгээд мэдээж хэрэг та тэр улсад байна. Тухайн үед өөрийнхөө улс оронд байхгүй.

Тиймээс энэ нь биднийг урхиддаг тэдгээр ертөнцүүдтэй төстэй. Болгоомжтой л байхгүй бол цаг үргэлж – бүх төрлийн урхи – занганд унах эрсдэл ямагт байдаг. Тэгээд түүнээс гарах маш хэцүү. Мөн та ямар нэг байдлаар хэн нэгнээс ямар нэг зүйл хулгайлахыг хүсэж байвал, эсвэл хулгайлчихсан бол... Яах вэ, бодож байгаа бол тийм ч муу биш. Ухаан санаагаа удирдаад тэгж бодохоо больчихвол тийм ч муу биш. Тэгээд өөрчлөгдөөд, тийм юм хийхгүй. Гэтэл үйлдчихсэн бол, хулгай хийчихсэн бол хулгайн ертөнцөд орсон гэсэн үг. Тэнд ганцаараа ч биш, тэр ертөнцөд маш олон хүн байдаг. Тэгээд нэг л өдөр өөрөө юмаа хулгайд алдана. Тэгээд хариугаа авах гээд өөр нэг хүнээс хулгайлна. Ингээд тэрхүү мөчлөг өөрийг тань болих хүртэл зогсохгүй.

Үүний нэгэн адил та амьтан-хүний махыг идвэл аллагын ертөнцөд уначихна. Энэ бүхэн үйлийн үр дагуулдаг. Үйл бүхэн, хариу үйлдэл бүхэн үйлийн үр үүсгэдэг. Тиймээс л гарах хэцүү байгаа юм. Энэ үр дагавартай. Үйлдэл тань ямагт сайн, муу үр дагавартай байдаг. Хэрэв хулгайн ертөнцөд унавал тэр дотор л гүйсээр, өөрт тохиолдож болох, эсвэл орооцолдох бусад ертөнцтэй зэрэгцэн гүйгээд байна гэсэн үг. Аллагын ертөнцөд амьтан-хүний мах идэх явдал багтдаг. Энэ нь бусад төрөлтний амийг хөнөөсөнтэй холбоотой учраас тэр юм.

Хүн төрөлхтөнд байж болох олон янзын чанар байдаг, сайн ч бий, муу нь ч бий; Хүн төрөлхтний хамтын сүлжээнд хэчнээн олон янзын ертөнц хоорондоо сүлэлдэн холбогдож байдгийг төсөөлөхөд бэрх. Зарим эрдэмтэн, физикчид хүн төрөлхтний бодит байдлын олон талт шинж чанарыг, мөн цаг хугацаа ба орон зай нь хүмүүсийн боддог шиг тийм ч тогтмол биш гэдгийг ойлгож эхэлжээ.

Та ганцхан цэг дээр оршин байдаггүй. Та бол орон зай-цаг хугацааны өт, цулын ертөнцийг нэвт сунан орших шугам юм. Таны хувилбар бүр, бодол бүр, амьсгал бүр орон зай, цаг хугацааны нэгэн шугам дээр мэдээлэл хэлбэрээр агуулагддаг. Харин цаг хугацааны гаднах, илүү өндөр түвшний өнцгөөс харвал та хөдөлгөөнт цэг бус, бүрэн бүтэн дүрс мэт харагдана. Энэ үзэл бодол зөвхөн нийтлэг бус онол дэвшүүлэгчдээр хязгаарлагддаггүй. Энэ нь олон арван жилийн турш нийтлэг хүлээн зөвшөөрөгдсөн онолын нэг хэсэг байсаар ирсэн ч чухам юу илэрхийлдгийг нь цөөн хүн ойлгодог.

Та тэгшхэн замаар явж байгаа биш. Та зам жимээр дүүрэн, нягт, амьд хөдөлгөөнтэй орон зайг судалж байна. Зарим нь харагдана, зарим нь харагдахгүй. Таны санаж буй өнгөрсөн бол нэг л зам. Гэхдээ таны арай өөр чиглэлд явсан хувилбарууд бас байдаг. Нэг нь өнгөрсөн долоо хоногт өөр сонголт хийсэн. Нэг нь тэр галт тэрэгнээс хоцорсон. Нэг нь утасны дуудлага огт хийгээгүй. Та эдгээр хувилбартайгаа хэзээ ч уулзахгүй ч, тэд хийсвэр төсөөлөл биш. Таны өөр хувилбарууд ч бас таны одоогийн би-г агуулдаг тэр л 4 хэмжээст орон зай-цаг хугацааны бүтцэд багтдаг. Энэхүү бүхэл бүтцийн хэлбэр, хэв шинж нь жижиг хэсгүүдэд нь дахин давтагддаг бүтэц нь зөвхөн таны хувийн амьдралд хамаарахгүй. Энэ нь атомаас эхлээд эдийн засаг, галактик хүртэлх бүх системд хамаарна.

Хэрэв цаг хугацаа нь орон зай бөгөөд сонголтууд нь явсан замналыг гаргадаг бол, орчлон ертөнц өөрөө салаалж, гогцоорон, хоорондоо огтлолцсон цаг хугацааны шугамуудын ээдрээтэй сүлжээ ба бид үүнийг дөнгөж ойлгож эхэлж байна. Та ганцхан шулуун замнал биш. Та бол боломжуудын сүлжээ бөгөөд энэ нь бүхнийг өөрчилдөг.

Эдгээр захиасуудаас үзэхэд, Дэлхий бол тоо томшгүй ертөнцийг нэгтгэн барьж байдаг Орчлон ертөнц дэх чухал төвүүдийн нэг юм. Дэлхийд юу тохиолдох нь өөр олон ертөнцийн хувь заяа, чиглэлийг тодорхойлж чадна. Энэ нь Дэлхий дээр өрнөж буй Гэрэл ба харанхуйн хүчнүүдийн ширүүн тулааны учрыг тайлбарладаг. Гэвч олон мянган жилийн турш сөрөг хүчний нөлөөнд байсан хүмүүс энэхүү тэмцэлд Гэрлийн хүчний төлөө ялалт байгуулах хүсэл зориг, хүчээ одоо хүртэл дайчлаагүй байна. Доктор. Клыков ер бусын, азтай Тэнгэрлэг Оролцоо болж байгааг анзаарсан.

(Өөрөөр хэлбэл, хэрэв би зөв ойлгосон бол, Дэлхий одоо ийм нэгэн байдалд байна...)

Бид өөрсдөө үүнийг хийж чадахгүй, ойлгож байна уу? Тийм учраас, биднийг харж хамгаалж байдаг бөгөөд ийм нэгэн Галактикийн Гэрлийн Холбоо гэж бий. Тэд энд аль хэдийн удаан хугацаанд байсаар ирсэн бөгөөд өөрсдийнх нь хэлснээр, эндхийн бүх тогтолцоог өөрчлөхийн тулд янз бүрийн хүчин чармайлт гаргасаар ирсэн. Чөлөөлөх бүхий л үйл явцыг Төгс Хүчит Нэгэн удирдаж байна.

(Тэгэхээр түүхийн туршид шийдвэрлэх чухал мөчүүдэд нэгэн сүнс янз бүрийн дүрээр энэ дэлхийд ирж, ямар нэгэн томоохон өөрчлөлтийг авчирдаг байсан гэсэн үг үү?)

За, Христ үнэндээ одоо ч хүний биеээр илэрч, биежин оршиж байна. Үүнд ямар ч эргэлзээ байхгүй.

Тэнгэрлэг Оролцоо нь бидний Хамгаас Хайрт Төгс Гэгээрсэн Их Багш Чин Хай-н дүрээр илэрч, Тэрээр 2024 оны долоодугаар сард Суприм Мастер Телевизээр Өөрийн жинхэнэ мөн чанар болон Эрхэм Зорилгоо илчилсэн юм.

Би та нарт одоо хэлье: Би бол Будда. Маргааш гэнэтхэн үхчхэж магадгүй учраас хэлж байгаа юм. Хүн төрөлхтөнд аюул нүүрлээд байгаа энэ цаг үед би бол тун онцгой Будда. Итгэх эсэх нь та нарын хэрэг. Бүхнийг Чадагч БУРХАНЫ өмнө, бүхэл Ертөнцийн бүх Гэгээнтэн Мэргэдийн өмнө худал хэлэх зүрх надад байхгүй.

Би бол та нарын хүлээгээд байгаа Майдар БУРХАН юм шүү дээ. Би бас та нарын хүлээж байгаа Есүс, Мессиа. Нэг мөсөн хэлчихье. Үүнийг хэлэхийг минь БУРХАН хүссэн! Тиймээс хүлээж, үнэт цагаа дахин бүү дэмий үр. Зүгээр л ёс суртахууны хувьд сайн байж, өөрийг тань хайрлан, дэвшүүлдэг БУРХАНЫГ магтаарай. Танд өгсөн бүхний төлөө бүх Их Багш нар, Будда нарт талархаарай. Хүсвэл илүүг ч хүртдэг. Гэтэлсэндээ талархаарай.

Өмнө нь хэд хэдэн удаа Төгс Гэгээрсэн Их Багш Чин Хай манай Нийгэмлэгийн гишүүдэд яагаад энэ цаг үед Тэрээр ер бусын БУРХАНЫ Хүчийг өвөрлөн Дэлхийд ирснээ тайлбарласан.

Би зүгээр нэг Их Багш биш, үнэхээр. Энэ миний ажил биш. Би гарагийг засахаар ирсэн. Зүгээр л дашрамд нь, би та нарыг Гэрт тань хүргэж өгнө, учир нь би тийшээ явж байна.

(Их Багш аа, Та өнгөрсөн үедээ эсвэл өмнөх амьдралууддаа эдгээр түвшинд хүрч байсан уу?) Доогуур, бага түвшинд бол хүрч байсан, харин одоогийн түвшиндээ хүрээгүй. Жишээлбэл, Орчлон ертөнцийг Засах Түвшинд Би хүрч байгаагүй. Учир нь бидэнд хэрэггүй байсан.

(Их Багш аа, Та энэ амьдралдаа эдгээр түвшинд хэрхэн хүрч чадсан бэ? Би хэлсэн шүү дээ, эрчимтэй бясалгалын ачаар. Дэлхий ийм эмх замбараагүй байгаа учраас, мөн Орчлон ертөнцийг үе үе засах шаардлагатай болдог. (Ойлголоо, Их Багш аа.) Орчлон ертөнцийг засах хэрэгтэй. Зөвхөн биет ертөнцийг бус, астрал ертөнцийг ч засах ёстой. Эс бөгөөс тэд бие биедээ нөлөөлнө.

Та нар мэднэ, би цагаа маш их нандигнадаг. Би энэ цаг хугацаагаа бясалгал хийж, Орчлон ертөнцийг судлан, түүний бүх сайн сайхан зүйлс болон хүч чадлыг олж мэдээд, одоо бүхэл Орчлон ертөнцөд туслахын тулд зориулахаас өөр зүйлд зарцуулж чадах эсэхээ мэдэхгүй байна. Энэ зөвхөн дэлхийн тухай байхаа больсон. Зөвхөн энэ дэлхий төдийгүй өөр бусад олон дэлхий ба Ертөнцүүд бүхэлдээ. Тэдгээрийг засварлаж янзлах хэрэгтэй, учир нь бүх зүйл яг зөв биш байна. Учир нь биет Орчлон ертөнц, мөн Дэлхий, гарагууд нь Тавдугаар түвшнээс доогуур түвшний бүтээгч хүчээр бүтээгдсэн бөгөөд төгс бус байна. Тиймээс л таагүй зүйлс, дайн гэх мэт зүйлс болж, хүмүүний оюун ухаан ч төдийлөн саруул байдаггүй. Тиймээс тэр болгоныг засах хэрэгтэй байна.

Төгс Хүчит БУРХАН Орчлон ертөнцийг сууриас нь эхлэн бүрэн цэвэрлэж, дахин эмхлэн байгуулах болно. Энэ үйл явцыг Японы зөнч Тэнмэй Окамото (цагаан хоолтон) урьдчилан зөгнөжээ.

“Сэргээн босголт эцэстээ хийгдэх бөгөөд би Бурхдын Эрин үеэс илүү гайхамшигтай эрин үеийг босгох болно, тиймээс энэ нь маш их ажил байх болно. Энэхүү бүрэн сэргээн босголт хойч үедээ үргэлжлэх болно. Сууринаас нь сэргээн босгохгүй бол бүтэхгүй. Шалтгааныг нь харахгүй байна гэж үү? 1946 оны хоёрдугаар сарын 16

Энэхүү асар том, орчлон ертөнцийг хамарсан бүтцийг дахин зохион байгуулах үйл явцын хугацаа болон одоогоор хэрхэн өрнөж байгаа байдлын талаар Доктор. Клыков үзэл бодлоо хуваалцжээ.

Энэ дэлхийг сүйтгэх үйл явц маш эрт – бараг 20 жилийн өмнө – эхэлсэн бөгөөд эхэндээ оюун санааны түвшинд явагдаж, дараа нь бүх зүйл астрал түвшин рүү шилжсэн. Буцах аргагүй цэгийг давсны дараа – буюу 2011онд л – биет түвшинд өөрчлөлтийн тодорхой шинж тэмдгүүд илэрсэн. Түүнчлэн эдгээр өөрчлөлт зөвхөн Дэлхий дээр илрээгүй – тэдгээр нь Орчлон ертөнц даяар илэрсэн. Учир нь бидний яг одоо оролцож буй яриа бол бүхэл Орчлон ертөнцийн тухай яриа юм. Нарны аймагт болж буй үйл явдлууд – тийм ээ, тэдгээр нь бүх зүйл удаан хугацааны зогсонги байдлын дараа урагшилж эхэлсэн бөгөөд одоо улам бүр нэмэгдэж буй хурдаар урагш эрчимтэй явж байгааг харуулж байна гэж би хэлнэ. Яг ийм л зүйл болж байна.

Дэлхий дээрх үйл явдал эрчимжиж буй энэ үед Доктор. Лев Клыковын хэлснээр 2026, 2027 онд юу болох вэ? Бид үүнийг дараагийн дугаараас мэдэж авна.