Сөрөг хүч бидэнд хор хүргэхийн тулд олон заль мэх хэрэглэдэг бөгөөд таны хуваалцсан зүйл бол тэдгээрийн нэг юм.

Монгол улсаас Уранчимэг-ийн монгол хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Оройн Дээд Бурхан Төгс Гэгээрсэн Их Багш, БУРХАНЫ Цор Ганц Хүү Чин Хай Тандаа бүх оршихуйн өмнөөс талархалаа илэрхийлэхийн ялдамд Суприм Мастер Телевизийн хамт олон болон түүний үзэгчидтэй дотооддоо харсан ахуй ойлголтоо хуваалцах гэсэн юм. Миний бие 2022 оны хавар авшиг авсан. 2022 оны намар нэгэн Арьяабалын бясалгалын үеэр бөгөөд дотооддоо нэгэн үзэгдэл харсан тэр нь Их Багшийн минь үзэсгэлэнт зургууд маш олноороо урсаж байсан. Тэдгээрийг анх харахад Их Багш Чин Хайн зургууд шиг харагдсан ч, сайн ажиглаад харахад бүх зураг нь ямар нэг байдлаар Их Багшийн зургаас өөр байлаа. Ихэвчлэн Их Багшийн нүд өөр байх юм. Түүнийг анзаарсны дараа эдгээр нь аль нь ч Их Багшийн минь зураг биш гэдгийг би ухаарсан. Тэр мөчид зургууд алга болж, маяа сөрөг хүч хүний бус өөр нэгэн ариун бус амьтны дүрсээр үзэгдэн - эдгээр зураг бүгд миний зураг - энэ бүх зургуудын ард миний хүч байгаа гэх зүйлсийг өгүүлэх мэт над руу ширтэн маш ёжтой хорон инээдээр инээмсэглээд замхарсан юм.

Тухайн ахуй ойлголтын дараа Төгс Гэгээрсэн Их Багш Чин Хайн зураг болон Төгс Гэгээрсэн Их Багш Чин Хайн сургаал бүхий постууд миний Фейсбүүк хаяг дээр олноор гарч ирэх болсон нь анзаарагдcан. Би тухайн зургуудыг анхааралтай ажиглаж ирсэн бөгөөд тухайн үед Их Багшийн зургууд эх хувиараа байсан ба сүүлийн нэгээс хоёр жилийн хугацаанд хиймэл оюун ухаант аппликэшинээр засварласан Их Багшийн төрхийг маш их өөрчилсөн зураг маш олон болсон нь надад энэхүү үзэгдлийг хуваалцах хүсэл төрүүлсэн юм. Авшигтай Номын ах, эгч нар болон бусад Их Багшийн зургийг ашиглан мэдээлэл хүргэх хүмүүст энэ мэдээлэл хүрэн, цаашдаа Их Багшийн дүр төрхийг ямар нэг байдлаар өөрчилсөн мөн эх зураг дээр байхгүй бусад зүйлс нэмж хийлгүй Их Багшийн эх зургийг ашиглахыг уриалж байна. Монгол улсаас авшигтан Уранчимэг

Тусч Уранчимэг ээ, Бидэнд энэ талаар сэрэмжлүүлсэнд баярлалаа. Интернэтэд Их Багштай холбоотой агуулга нийтэлдэг олон хүн байдгаас зарим нь таны дотоод ахуй ойлголтод үзсэнтэй адил байдаг. Агуулгыг зөвхөн Суприм Мастер Телевизийн албан ёсны холбоосоос авах нь хамгийн зөв. Ингэвэл энерги нь ариун хэвээр үлдэж, үзсэн хүмүүст гарцаагүй Адислал хүртээнэ. Сөрөг хүч бидэнд хор хүргэхийн тулд олон заль мэх хэрэглэдэг бөгөөд таны хуваалцсан зүйл бол тэдгээрийн нэг юм. Их Багшийн Сургаалыг сонирхдог хүн бүр үүнийг анхаарч үзээд, Сургаал болон түүнийг дагалдан ирэх ер бусын Адислалуудыг хүлээн авахын тулд албан ёсны сайтуудыг ашиглана гэж найдаж байна. Та болон Монголын хийморьтой ард түмэн амьдралынхаа хором бүрд дотоодын БУРХАН-ы Гэрлээр хөтлүүлэх болтугай. Суприм Мастер ТВ-ийн хамт олон