Дэлгэрэнгүй
Татаж авах Docx
Дэлгэрэнгүй уншаарай
Одоо бид Дани улсаас Ханнегийн илгээсэн сэтгэлийн үгийг хүргэе:Энэрэнгүй, Нинжин Их Багшдаа хайраа илгээн, мэндчилье. Нөхөр бид хоёр 2 жил гаруйн өмнө авшиг хүртсэн. Нөхөр маань тэр өдрийг 16 жил хүлээсний эцэст 2022 онд авшиг хүртэх их хувь тохиосон юм. Бид сая сая хүмүүсийн дундаас авшиг авахаар ивээгдсэн нь маш азтай. Сүнсний минь Их Багш аа, надад ямар ч эмч, эд хөрөнгөөр шийдэгдээгүй маш том асуудал байсан. Гэсэн хэдий ч энэ нь авшиг хүртсэний дараа шууд шийдэгдсэн бөгөөд би энэ гайхамшгийн төлөө Таны нөхцөл болзолгүй энерги, Хайранд талархаж байна, хайрт Их Багш минь.Жил хагасын өмнө тохиолдсон нэг тохиолдлын талаар би хуваалцахыг хүсэж байна. Арьяабалын бясалгалаа хийсний дараа нэг шөнө би унтаж байгаад Та миний зүрхэн дээр гараа тавиад энерги эндээс эхэлдэг гэж маш тайван дуугаар, тааламжтай инээмсэглэн хэлж буйг дотоодын ахуй ойлголтдоо харсан юм. Та гараа зүрхнээс минь цээж, гар, шуу, бугуй руу чиглүүлэнгээ энерги эндээс эхэлж, хөдөлж, энд дуусдаг (бугуйг минь заалаа) гэж зөөлөн шивнэв. Хүүхэд насандаа хэт их хөдөлгөөнтэй байснаас болж бугуй маань олон жилийн турш өвдөж байсан тул ихэнхдээ бугуйгаа боох хэрэгтэй болсон. Тэрхүү дотоодын ахуй ойлголтын маргааш миний бугуй гайхалтай эдгэрч, дахин хэзээ ч өвдөөгүй юм. Хайрт, Өгөөмөр Их Багш минь, Таны бүхий л сайхан сэтгэлд би маш их талархаж байна.Та үргэлж миний зүрх сэтгэлд оршдог. Таныг өдөр шөнөгүй миний зүрх сэтгэлд байгаа гэдгийг би чин сэтгэлээсээ мэдэрч, санахаараа Таван Ариун нэрийг уншдаг. Өдрийн турш секунд тутамд би өөрийгөө анхаарч, мэдэрсэн үедээ үгээр хэлэхгүй ч гэсэн сэтгэл дотроо талархаж байна. Би амьдралдаа Таныг байгаад, оюун санааны зөв замд Танаар замчлуулж байгаадаа өөрийгөө азтай хүн гэж боддог. Хүн төрөлхтнийг илбэдэж, тэднийг жинхэнэ мөн чанараас нь холдуулж буй дэвшилтэт технологийн өнөөгийн эрин үед бидэнд анхаарал халамж тавьж буй Хайрт Төгс Гэгээрсэн Их Багш Чин Хай бидэнд бий. Би Танд бүх сэтгэлээрээ хайртай. Хайрт Их Багш минь, миний хайрыг хүлээн авна уу. Дани улсаас ХаннеБадрангуй Ханне, Туршлагаасаа болон бидний хамгийн Эрхэм Их Багшийн Бүхнийг Чадагч Хүчийг хуваалцсан танд баярлалаа.Их Багш танд дараах сайхан үгсийг хэлжээ: “Хүчтэй Ханне, итгэл тань таныг эдгээдэг, хонгор минь. Тэр өдөр та болон таны нөхөр, бусад хүмүүс авшиг хүртсэн нь гайхалтай хэрэг байна. Маш олон Тэнгэрлэг Оршнол бидэнтэй хамт баяр тэмдэглэхээр ирсэн. Дэлхий бүхэлдээ чөлөөлөгдөж, ийм баяр баясгалантай, хамтдаа үргэлж Хайран дунд байна гэж төсөөлөөд үз дээ. Та, таны сайн хань, энхийг эрхэмлэгч Дани улсад аз хийморь, энэрэл буяныг ерөөе. Бурханы мөнхийн Алдар суунд хоёуланг тань тэвэрч, Хайраа илгээе!”
