My Wish Is That Syria Becomes Beacon of Hope for the Whole World and That It Be at Peace Under Kind Leadership

Сири улсаас Халедын илгээсэн сэтгэлийн үгийг одоо хүргэе:

Хайрт Их Багш минь ээ, 2024 оны 12 дугаар сарын 8-ны ням гаригт манай улсад болсон их үйл явдлын дараа буюу 50 гаруй жил үргэлжилсэн засаглалын дараах хуучин дэглэмийг орхисны дараа надад болон нийт Сирийн ард түмэнд тохиолдсон агуу их баяр баяслаа хуваалцахыг хүсэж байна. Бид эдүгээ өөдрөг үзэл, хайр, хүн бүр эв найрамдалтай, нэр төртэй амьдарч буй шинэ улсыг байгуулахад бэлэн байгаа шилжилтийн чухал үе шатанд байна. Энэ өдөр ирж, бидэнд ийм боломж олдоно гэж хэн ч төсөөлөөгүй боловч Бүхнийг Чадагч Бурхан, Их Багшийн Адислал, бүх Гэгээнтэн, Бошиглогчдын Адис ивээлийн ачаар, агуу түүхэн өв, сайхан ард түмэн, үржил шимт газар нутгийнх нь шинэ веган хоол хүнснийх нь талаар олж мэдэхийн тулд хүн бүрийн зочлохыг хүсдэг, мөргөлдөөнгүй улс орныг байгуулах шинэ боломж бидэнд нээгдэх болно.

Хөрш орнууд болон дэлхийн улс орнуудтай эв найрамдал, гэрээ хэлэлцээр байгуулж, эдийн засгийн тогтвортой байдалд хүрч, энх тайвны шинэ эрин үеийг эхлүүлэхийн тулд бидний дараагийн алхмуудыг адислахыг даатган Бүхнийг Чадагч Бурханд залбиръя.

Энэхүү агуу өөрчлөлтөд үүрэг гүйцэтгэсэн бүх зоригт удирдагчдад хувиасаа болон нийт сиричүүдийн нэрийн өмнөөс талархал илэрхийлье. Дэлхийн энх тайвны хэлэлцээрийг байгуулахад хувь нэмрээ оруулсан бүх улс орон адислагдах болтугай.

Их Багш минь, зүрх сэтгэлийн угаас Тандаа талархаж байна. Таны ачаар би Арьяабалын бясалгал хийж, дотоодын амар амгалангийн утгыг мэддэг болсон. Аливаа амьд амьтанд тохиолдох хамгийн агуу, хамгийн чухал зүйл учраас эх орон минь, Газар дэлхий минь амар амгалангийн Адис ерөөлийг хүртэх болтугай гэж ерөөе. Сири улсаас Халед

Баярласан Халед, Аз жаргалаа бидэнтэй хуваалцсанд баярлалаа.

Их Багшаас таны сэтгэгдэлд өгсөн хайрын хариуг хүргэе: “Баяр хөөртэй Халед, таны аз жаргал, энхийг эрхэмлэгч ард түмний тань баяр баяслын талаар сонсоод үнэхээр баяртай байна! Бүхий л сэтгэлээрээ Бурханыг алдаршуулъя. Одоо олон элэгсэг сиричүүд хайртай Нутаг орондоо буцаж очиж чадна! Бурханы Алдараар бүгд мөнхөд сайн сайхан орших болтугай. энэ бол танай улс өнгөрсөн үеийн үймээн самуунаас ангид оршиж, өөрийгөө сэргээх боломж юм. Энэ бол дэлхий даяар болж буй үйл явдлын бичил ертөнц юм. Сири улс олон жилийн турш мөргөлдөөнтэй байж, танай ард түмэн зовлон зүдүүр, хүндрэл бэрхшээлтэй байсан бөгөөд одоо гав дөнгө эвдэрсэн мэт бүх зүйл гэнэт өөрчлөгджээ. Миний хүсэл бол танай улс эелдэг удирдлага дор амар амгалан байж, дэлхий дахинд итгэл найдварын гэрэл болж, эв нэгдэлтэй ард түмэн Бурханы Тааллын дагуу хайрын сэтгэлээр амьдрах явдал юм. Та болон Сирийн зон олон Аллахын гэгээн Гэрэлд эх орноо сэргээн босгохын төлөө хамтдаа зүтгэх болтугай. Миний Хайр ямагт тантай хамт шүү!”