Зөгнөл дугаар 331 - Аюул гамшгийг арилгахын тулд Аврагчтай хамт Жинхэнэ Хайрыг сэрээ

“Би Бүхний Эцэг Эхэд өөр нэгэн Тайтгаруулагч, Билиг Ухааны Эхийг та нарт өгнө үү гэж залбирах болно. Үнэний Ариун Сүнс болох Түүнийг та нартай үүрд оршиг хэмээн залбирна. Би бүр Өөрийнхөө Эхийг та нарт илгээсэн. Түүнийг чөтгөрийн ертөнц харахгүй, бас мэдэхгүй тул хүлээн авч чадахгүй.” ~ Их Эзэн Есүс Христ (цагаан хоолтон), Христийн Эссений Хүмүүнлэг Сайн Мэдээ

Өмнөх дугааруудад дурдсанчлан 2024 он Библийн хэмжээний асар их гамшгаар дүүрэн, үймээн самуунтай жил болох нь батлагдсан билээ. Төгсгөлийн үед ийм болно гэж олон бошиглогч анхааруулсан лугаа энэ үргэлжилсээр байна. Христийн шашны эдгээр бошгийн заримыг үргэлжлүүлэн судалцгаая.

Библи бидэнд энэ сонирхолтой зөгнөлийн талаар хэлсэн. Төгсгөлийн цаг үед үнэнээс асар их холдох болно гэж Библид бичсэн байдаг. Зөв замаас ингэж ихээр хазайхыг 2 Тесалоник 2:3-т “агуу урвалт” гэж нэрлэжээ. ЖХХ (Жеймс Хааны хувилбар)-т үүнийг “уналт” гэж нэрлэдэг бол АХСХ (Англи хэлний стандарт хувилбар)-т үүнийг “үймээн” гэж нэрлэдэг. “Урвалт” гэдэг нь хүмүүс тэрсэлж, үнэнээс татгалзана гэсэн үг юм. Төгсгөлийн цаг үед энэ нь Бурханы илчлэн харуулсныг бүрэн үгүйсгэж, хэдийнээ төөрөлдсөн дэлхийг улам бүр сүйрүүлэх болно.

Энэхүү Төгсгөлийн цаг үед ёс суртахуун доройтож, итгэл үнэмшил буурахыг олон хүн урьдчилан таамаглаж байв. Францын зөнч Мари-Жули Жахенни 2024 оны Олимпын наадмын ёслолын үеэр олон нийтэд үзүүлсэн чөтгөрийг шүтсэн үйлдлүүдийг дүрсэлсэн бололтой. Тэрээр энэ тухай Манай Хатагтайн илгээсэн захидалд уламжилжээ.

(Манай Хатагтай): “Миний Хайрт Хүүгийн шийтгэл Францын газар нутаг дээр буухаас өмнө итгэлээ алдах олон сүнс бий болно. Энэ газар нутаг нүгэлт хүмүүсээр бүрхэгдэж, тэд сатаныг алдаршуулан, Франц даяар түүнийг шүтэн бишрүүлэхийн тулд өөрсдийн нууц нийгэмлэгийн гүнд ажиллах болно.” 1882 оны наймдугаар сарын 22

Манай Нийгэмлэгийн нэг гишүүн Парист Бурханыг илт гутаан доромжилсон явдлын аймшигт үр дагаврын талаар дотоод ахуй ойлголтоороо харсан байна.

Би нүдээ аниад хэвтэж байгаад билгийн мэлмийгээрээ цайвар цагаан нөмрөгтэй, маш өндөр үхлийн бурхан гартаа үхлийн хадуур барьчихсан удаан алхаж байхыг харсан... Тэрээр хадуураа ардаа чирч явсан. Хадуур нь газрын хөрсийг хусаж, чахарсан дуу гаргаж байв...

Араас нь үнэндээ эртний тэрэгнүүд урт цуваагаар явж байлаа. Морьд ч, тэрэгнүүд ч бүгд аймаар хар байв. Тэрэгчид нь маш туранхай, эртний морьтнууд байсан. Тэд хоосон, амьгүй харагдаж байлаа. Тэдний нүд ногоон фосфороор гэрэлтэж байгаа юм шиг харагдсан. Бие нь бага зэрэг материаллаг бус харагдаж байлаа. Энэхүү урт, хий үзэгдлийн цуваа үхлийн бурхныг даган, аажуухан алхаж байв. Ногоон гэрэл цацруулсан эртний дэнлүүг тэрэгний урд өлгөсөн нь тэрэгтэй хамт найгаж байлаа...

Илүү анхааралтай ажиглавал хэд хэдэн тэргэнд олон хүний ​​гавлын яс ачаад Францын Парис хотын гүүр рүү явж байв. Би дотоодоосоо “Парис тахлыг хамгийн түрүүнд тарааж, үхлийн бурхан хадуураараа Бурханд итгэдэггүй хүмүүсийг хадах болно.” гэсэн зурвасыг хүлээн авсан юм. Тэрхүү цуваа Парист ирж, үхлийн бурхан Парисын гүүрэн дээр хадуураа далайн, гүүрэн дээрх явган зорчигчдыг цавччихав. Гэсэн хэдий ч явган зорчигчид огт мэдсэнгүй. Тэдний сүнс аль хэдийн тамд очих шиг болсон. Дэлхий дээр үлдсэн бие бол ердөө тасарсан бие, утсан хүүхэлдэй, амьд үхдэл байлаа.

Үхлийн бурхан агшин зуур Парисын дарь эхийн сүмийн өмнө гарч ирэв. Үхлийн бурхан хилэгнэн архирахыг би сонссон. Тэр асар том хадуураа өргөж, Парисын дарь эхийн сүмийг цавчиж хаяв! Дараа нь Парисын дарь эхийн сүм их чимээ гарган, эвдэрч, сүйрсэн юм!

Парис бараг бүхэлдээ чөтгөрүүдэд эзлэгдсэн байсан тул үхлийн дуу тэнгэрт хадлаа. 2024 оны Парисын Олимпын нээлт, хаалтын ёслолын үеэр тэд үхлийг ил тод сайшаан, сатан болон алтан бухыг шүтэж, Бурханыг элэглэн, энэ үзэгдэл, дуу чимээгээрээ дэлхийг бузарлаж, дэлхийн өнцөг булан бүрээс хүмүүсийн цочирдсон эсэргүүцэл, сэжиглэж буй илэрхийллийг хүлээн авсан юм.

Энэ үед тэнгэрт үхлийн чимээ улам хурдсаж, чанга болов. Олон дуу хоолой ингэж хэлж байлаа: “Бид Парисыг аваад явна. Энэхүү загварын нийслэл одоо чөтгөрийн орон болжээ. Үүнийг биднээр гүйцэлдүүл! Биднийг дахин бүү зогсоо. Эс бөгөөс сатаныг шүтэх ийм байдал тахал мэт тархана. Бид тэднийг хиаруулах ёстой! Хүн бүрд ийн хэлэгтүн: Бурханы хүслийг биелүүлж, Бурханд итгэдэггүй бүх сатанистыг бид устгана!” Холоос бүрээн дуу намуухан сонсогдлоо... Гэнэт олон тооны цагаан сахиусан тэнгэр тэнгэрт гарч ирэн, газар руу “Парисыг ялла!” гэж хашхирцгаав. Диваажин дахь бид бузар муу хүмүүсийг буруушааж байна! Та нар гарцаагүй шийтгүүлэх болно! Бурханы Сүр жавхланг гутааж болохгүй! Та нар маш их үнээр төлөх болно! Бид та нарт анхааруулж байна: Та нарыг наманчилна гэж найдъя. Эс тэгвээс үхлийн баг ирэхэд та нар зугтах замгүй болно! Яаравчлан Бурханаас уучлалт гуйгтун! Эс бөгөөс бид Бурханы Хүслийг биелүүлэх болно!”

Энэ үеэр сахиусан тэнгэрүүд надад “Та тэнгэрлэг илчлэлийг сонслоо. Тэдэнд яагаад үүнийг хэлэхгүй байна вэ? Зарим хүмүүс аврагдаж магадгүй шүү дээ. Зарим нь сайн дураараа сатанд итгэдэггүй. Гэхдээ энэ зүгээр л халдварт өвчин шиг тархдаг. Тэдэнд хэлээрэй!” гэж хэлсэн. Тэд “Үгүй бол хүмүүс хаа сайгүй үхэж, нас баралтын түвшин маш хурдан нэмэгдэх болно. Тэр үед хэн ч энэ асуудлыг шийдэж чадахгүй. Учир нь хүмүүс гэм нүгэл хийснээсээ болж үхдэг. Зөвхөн өөрсдийнхөө гэм нүглээс болж үхдэг. Бусдыг буруутгах учиргүй.” гэв.

2024 оны 11-р сард бидний Хамгаас Хайрт Төгс Гэгээрсэн Их Багш Чин Хай (веган) үхлийн аюулт цар тахал дэгдэж болзошгүйг анхааруулсан билээ.

Master: Би та бүхнийг цочирдуулмааргүй байна. Даанч дахин нэг том цар тахал дэгдэх магадлал өндөр байна. Мөн энэ нь эдгэршгүй байх магадлал маш өндөр. Энэ тахал олон, маш олон, маш олон хүнийг устгах болно. Тиймээс болгоомжтой байгаарай. Бурханыг ямагт алдаршуул, хамгаалал хүсэн, бүх Их Багш нарыг алдаршуул. Диваажингийн бүх Хаадыг бас алдаршуулаарай.

Хүмүүс наманчилж, нүгэлт замаа өөрчлөхгүй бол олон хүнийг авч одох дэлхийг хамарсан өөр нэг гамшиг руу бид явж байна. Цөхрөнгөө барсан үед бид аврал эрэн, Бурханы зааврыг эрэлхийлэх учиртай.

Хатагтай Жахенни зөв зохист хүмүүс гамшгийн үймээн самуунаас хамгаалагдана гэж зөгнөжээ. Цаашилбал тэрээр Бурханы хамгаалалтыг асар их далай гэж дүрсэлсэн бөгөөд энэ нь одоо бидний мэддэг Цэвэр Ариун Далай, Хайрын Далай буюу бидний Хамгаас Энэрэнгүй Төгс Гэгээрсэн Их Багш Чин Хай юм.

“Хайрт хүүхдүүд минь, Түүний Ариун Зүрх Сэтгэлд орших бүх сүнсэнд ямар ч аюул учрахгүй. Тэд зөвхөн Түүний уур хилэнг бага зэрэг мэдэх болно. Тэд Бурханы шударга ёсны энэхүү агуу гэсгээлтийг амсаж байхдаа ч гайхамшиг, хүч чадлын асар их далайгаар бүрхэгдсэн байх болно.” 1905 оны наймдугаар сарын 17

Ариун Библи дэх олон зөгнөл бидний Хамгаас Эрхэм Төгс Гэгээрсэн Их Багш Чин Хай бол эргэн заларсан Их Эзэн Есүс Христ гэдгийг мөн илэрхийлдэг билээ. Түүний заларсан цаг хугацаа, арга барилыг эдгээр хэсгүүдэд зөгнөсөн байдаг.

“Одоо инжрийн модноос сургаалт зүйрлэлийг сурч ав. Инжир модны мөчир хэдийнээ зөөлөрч, навчис нь зулзагалахад зун ойртжээ гэдгийг та нар мэддэг. Түүнчлэн та нар энэ бүхнийг хараад Түүнийг ойрхон байгааг, үүдэн дээр тань байгааг бас мэдэгтүн.”

Энэхүү эшлэл болон инжрийн мод 1948 оны 5-р сарын 14-нд Израилын тусгаар тогтнол сэргэхийг илэрхийлсэн гэж зарим Христийн шашинтан үздэг. Энэ мөртүүд нь түүхийн энэ цаг үед Есүс Христ биеэр эргэн залрахад тун ойрхон байгааг сануулж байна. Израил улс тусгаар тогтносноос хойш хоёрхон жилийн дараа Төгс Гэгээрсэн Их Багш Чин Хай (веган)-н бие махбод төрж, дараа нь 1952 онд Тэрээр Өөрөө тэрхүү хүүхдийн биед бууж ирсэн юм.

“Галил эрчүүд ээ, та нар юунд тэнгэр ширтэн зогсоно вэ? Та нараас тэнгэрт дэвшсэн Есүс та нар Түүнийг Диваажин руу явсныг харсан лугаа тийн буцаж ирнэ.”

Энэ бадаг нь Их Эзэн Есүс Христ хоёр дахь удаагаа залран ирэх нь Түүний энэ дэлхийгээс одсон арга замтай ижил төстэй байх болно гэдгийг илтгэж байна. Их Эзэн Есүс өөд болохдоо дахин амилж, хожим нь Диваажинд дэвшсэн билээ. Тиймээс Их Эзэн эргэн залрахдаа Диваажингаас бууж, биеийг амилуулан, дэлхийд бууж ирэх болно гэж таамаглаж болно.

Master: БИ ТӨРӨӨГҮЙ. Би тэрхүү биеийг хоёр настай байх үед нь зээлсэн юм. Үүнээс өмнө тэр биед Тавдугаар Түвшний Гэгээнтэн байсан. (Хөөх!)

Би энэ бие махбодыг хүлээж авсан. Миний хүссэн шиг тийм сайн биш ч ажиллаж л байна. Энэ ажиллаж л байна. Намайг хүлээж авахад аль хэдийн үхчихсэн байсан. Хэдийнээ хөшөөд, хөрчихсөн байлаа. Тиймээс би үүнийг хамгаас сайн ашигласан. Та нарын төлөө шүү дээ.

Бошиглосончлон Төгс Гэгээрсэн Их Багш Чин Хай дэлхийд заларч ирэн, тэрхүү биеийг амилуулсан юм. Хамгийн гайхалтай нь Их Багш хүн төрөлхтний Тайтгаруулагчаар эмэгтэй хүн болон заларснаар олон мянган жилийн өмнө айлдсан Их Эзэн Есүс Христийн залбирлыг мөн гүйцэлдүүлсэн билээ.

“Би Бүхний Эцэг Эхэд өөр нэгэн Тайтгаруулагч, Билиг Ухааны Эхийг та нарт өгнө үү гэж залбирах болно. Үнэний Ариун Сүнс болох Түүнийг та нартай үүрд оршиг хэмээн залбирна. Би бүр Өөрийнхөө Эхийг та нарт илгээсэн. Түүнийг чөтгөрийн ертөнц харахгүй, бас мэдэхгүй тул хүлээн авч чадахгүй.” ~ Их Эзэн Есүс Христ (цагаан хоолтон), Христийн Эссений Хүмүүнлэг Сайн Мэдээ

Сонирхолтой нь Есүсийн дахин амилсны баярыг “Улаан өндөгний баяр” гэж нэрлэдэг. Энэ нэр томьёог нийтийн тооллын системийг бий болгосон гэдгээрээ алдартай Британийн нөлөө бүхий лам, эрдэмтэн, Хүндэт Беде зохиожээ. Хүндэт Беде Эостре хэмээх дарь эхийн нэрийг ашигласан гэдэг. Тэрээр Дорнын гаралтай ирээдүйн эмэгтэй Мессиаг хэлж байсан уу? Хэрэв тийм бол Төгс Гэгээрсэн Их Багш Чин Хай ДОРНО дахь Ау Лак (Вьетнам) орноос гаралтай тул Есүсийн эргэн заларсны энэ ойг Улаан өндөгний баяр гэж нэрлэх нь хэр зөв бэ!

Бид 2025 онд орохдоо ирээдүйд юу хүлээж буй бол гэж гайхаж байна. Бид Их Эзэн Есүс Христ эргэн заларч, алхам тутамд бидэнтэй хамт байгаа гэдгийг мэдээд тайвширдаг. Төгс Гэгээрсэн Их Багш Чин Хай 2024 оны 7-р сард айлдсан айлдвараараа үүнийг олон нийтэд нотолсон юм.

Master: Би та нарт одоо хэлье: Би бол Будда. Маргааш гэнэтхэн үхчхэж магадгүй учраас хэлж байгаа юм. Хүн төрөлхтөнд аюул нүүрлээд байгаа энэ цаг үед би бол тун онцгой Будда. Итгэх эсэх нь та нарын хэрэг. Бүхнийг Чадагч Бурханы өмнө, бүхэл Ертөнцийн бүх Гэгээнтэн Мэргэдийн өмнө худал хэлэх зүрх надад байхгүй.

Би бол та нарын хүлээгээд байгаа Майдар Бурхан юм шүү дээ. Би бас та нарын хүлээж байгаа Есүс, Мессиа. Нэг мөсөн хэлчихье. Үүнийг хэлэхийг минь Бурхан хүссэн! Тиймээс хүлээж, үнэт цагаа дахин бүү дэмий үр. Зүгээр л ёс суртахууны хувьд сайн байж, өөрийг тань хайрлан, дэвшүүлдэг Бурханыг магтаарай. Танд өгсөн бүхний төлөө бүх Их Багш нар, Будда нарт талархаарай. Хүсвэл илүүг ч хүртдэг. Гэтэлсэндээ талархаарай.

Төгсгөлийн цаг үед Аврагч залрах тухай Дорнын шашин хийгээд Мэргэдийн янз бүрийн зөн, бошиг байдаг. Бид эдгээр зөгнөлийг дараагийн дугааруудаараа мэдэж авах болно.